قال أحمد درويش، أحد الناجين من مركب الهجرة غير الشرعية الغارق، صباح اليوم، إنه مقيم بالغربية وكان يعمل نقاش، وتعرف على أحد السماسرة للهجرة خارج البلاد، وكان الاتفاق بأن يهاجر ثم يتصل بأهله فى الغربية لأخذ المبلغ المتفق عليه.
وأضاف لــ"اليوم السابع" أنه لم يشغل باله بكل المخاطر التى سمع عنها، وكان كل همه أن يسافر لجمع المال، وتابع: "أنصح الشباب بعدم التفكير فى الهجرة حتى لا يرى الموت بعينيه.. أنا شوفت أطفال على وش المياه ومكناش عارفين نعملهم حاجة".
وكان الدكتور محمد سلطان، محافظ البحيرة، أكد فى تصريحات خاصة لـ"اليوم السابع"، أنه تم الدفع بـ 15 سيارة إسعاف على شاطئ برج رشيد لنقل المصابين وجثث الضحايا فور انتشالهم من جانب قوات حرس الحدود والبحرية، مؤكدًا أنه وجه برفع درجة الاستعداد القصوى بكافة المستشفيات على مستوى المحافظة.
وأوضح محافظ البحيرة، أن مستشفيات المحافظة استقبلت نحو 29 جثة حتى الآن و8 مصابين حالتهم مستقرة، لافتا أن القوات البحرية وحرس الحدود تمكنوا من إنقاذ نحو 150 مهاجرًا وجارى البحث عن مفقودى المركب الغارقة.
بالفيديو.. ناج من مركب رشيد: شوفت أطفال على وش... by youm7
عدد الردود 0
بواسطة:
زيكو
معقول
يعنى مصر بجيشها وشرطتها ونوابها وحضارتها وناسها وعلماءها مش عارفين يلاقوا حل للمهزله دى ياناس والله حرام عليكم اللى بيحصل فى مصر ده ذنبهم ايه الغلابة دول اللى كل جريمتهم انهم بيحلموا يودعوا الفقر
عدد الردود 0
بواسطة:
ابن شديد
الى رقم 1
المبلغ الذي دفع للسماسرة للهجرة يساوي اربع سنوات من مرتبك الشهري وانت تعرف ذلك جيدا اذن هم ليسو كما تعلن عنهم وتهاجم دولتك بهذه الدرجة
عدد الردود 0
بواسطة:
khaled soudi
وزاره الهجره عندها الحل
بأعتقد الحل عند وزيره الهجره .... ممكن يا سياده الوزيره تشوفيلنا حل وتخليها هجره شرعيه بدلاً من كونها هجره غير شرعيه . اعتقد علي المسئولين في بلدنا ايجاد حل ونخليها هجره شرعيه احسن وافضل وكل بالفلوس بردو .
عدد الردود 0
بواسطة:
خالد
رقم 1 الغلابة دول بيدفعوا من 30-50 الف مقابل السفر على المركب
يعنى لو عملوا بيهم مشروع هيعرفوا يعيشوا كويس يعنى لا فقراء ولا غلابة لكنه الطمع كفاية أسطمبات خايبة
عدد الردود 0
بواسطة:
مبروك على درويش مبروك على درويش
حرام
لماذا لا تراقب الشواطئ ونعل حصر للمراكب وخط سير ورخصه وترقيم مراكب الصيد وتوفر الدولة سبل العيش الكريم للشباب .
عدد الردود 0
بواسطة:
سعدون
تغليظ العقوبة لتصل الى الاعدام للمسئول عن المركب لانة السبب فى وفاتهم
تغلييييييييييييييييييييييييييييييييييييييييييييييييييييييييظ العقوبة للمسئول عن المركب ومحاكمة عسكرية
عدد الردود 0
بواسطة:
رورو
طول ما فى روتين فى البلد عمرنا ما هنتقدم
دور الدوله فين مفيش عقل مفكر ومدبر يفكر للشباب دى فى كذا مشروع ويكون نجاحهم اكيد للاسف الكل يستنكر فقط فخورين اوى بنجاح العلماء ومش بنسمع منهم لنفيد البلد ونفسنا من خبراتهم وعشان يعمل الشاب مشروع بال30 وال50 الف بيحطوله العراقيل اللى تخليه يزهق ويبطل يفكر يا جماعه الروتين والكسل والفساد بقوا من اهم معالم بلدنا فين دور البنوك اللى تفكر فى مشاريع وتعمل دراسات جدوى تبسطها للشباب وتساعدهم خطوه خطوه مقابل ان يدفع صاحب المشروع مبلغ متفق عليه للبنك بعد نجاح مشروعه
عدد الردود 0
بواسطة:
خميس علي محمد
حرام
حرام المهأزل التي تحدث بمصر هل هذة الكارثه تكون جزاء كل من يحلم بتوديع الفقر من المسؤل عن هذة الكارثة الانسانية هل يعلم المسؤل انه سوف يقف امام الله ومتعلق برقبته الضحايا يسالون الله اخذ ثارهم من المسؤل يوم لاينفع مال ولابنون الا من اتي. الله بقلب سليم نسال الله ان يلهم ذويهم واهلم الصبر والسلوان
عدد الردود 0
بواسطة:
ابوآدم
سلامات ياحكومه
حسبنا الله ونعم الوكيل فى كل قيادات الدوله لأن لو الشباب دي لاقى شغل فى بلده لو بالف جنيه شهرى مش هيسيب بلده ويطفش ذنب الناس دى فى رقبة قيادات الدوله اللى هما شايفينها بتاعتهم مش بتاعت الغلابه
عدد الردود 0
بواسطة:
عصام صدقى الحلوانى
ولاتلقوا بايديكم الى التهلكة
مش عارف كل واحد عمال يقولك الغلابة ذنبهم اية وفين البلد وفين الحكومة اولا الناس دى هى الى سعت بطريقة غير سليمة وما تقوليش الفقر واصل مافيش شغل عد بلدنا فيها من الصين ومن السودان ومن سوريا وكلهم شغالين وفلة لكن احنا طموح اولادنااكتر من إمكانيتة ومحدش عندة صبر لتحقيق أحلامة ومفيش قناعة كله عاوز يركب عربية ويتفاخر بس سنة اللة ان الدنيا يكون فيها غنى وفقير وبعدين المبالغ الى بيدفعوا لو اجتمعوا وعملوا لهم مشروع كانوا فلحو لكن احنا عندنا شباب عاوز الوظيفة يروح يعمل ماجستير فى لعب الكورة ويقولك الدوله لانحترم المتعلمين يا سيدى غلى عينا انت عاوز تتقدم فى العلم شوف مجال البلد تحتاجة الشى الًمطلوب من البلد تشديد العقوبات على المسؤول عن المراكب دة وتشديد المراقبه على الشواطئ كمان نشر التوعية للشباب والمساعدة لإيجاد مشاريع تجمعهم وتساعدهم وَيَا شباب لازم يكون عندكم إيمان بانفسكم وباللة وان الرزق دة مقسوم السعى مطلوب لكن مش كدة واصبروا شوية وبكرة ان ساء اللة احسن