خالد صلاح

برعاية سوبر كورة

سوبر كورة

محمد صلاح العزب

ذبح المصرى «حلال».. فى موسم «التضحية»

الجمعة، 02 سبتمبر 2016 11:00 ص

مشاركة

اضف تعليقاً واقرأ تعليقات القراء

ذبح المصرى «حلال».. فى موسم «التضحية»

 
أغبى إنسان فى مصر هو من يدعى أنه فاهم أى حاجة.. المهم، وأنت تقرأ قوم شوف لو فى لمبة مفتوحة ع الفاضى، أو افصل الثلاجة، حتى لا تأتيك فاتورة الكهرباء «عالية»، لأن فرق فاتورتك سيتحول إلى أرباح، سيأخذها وزير الكهرباء ويوزعها على رجال وزارته، وكأنه «معلم» صاحب محل جزارة بيفرق على «صبيانه»، ويكفيك أن تعلم وأنت تدفع فاتورة هذا الشهر للمحصل أنه سيتم صرف 3 أشهر لجميع العاملين بوزارة الكهرباء، بمناسبة عيد الأضحى، تحت حساب «الأرباح».. زميلى المواطن، ليست الخراف فقط من تذبح فى هذه الأيام، إنهم يضحون بنا يا عزيزى.
 

من مصر لأبنائها: افسد.. وشخلل.. وعدّى

 
تخيل يا أخى أن مصر لن تقدرك أو تحترمك - فى الغالب - إلا إذا كنت واحدا ممن يمتلكون القدرة على خرق القانون، بالجنيه أو الكارنيه، أو كنت واحدا من الفاسدين، وتسأل: هل تحب مصر الفساد؟! فيأتيك الرد سريعا، بأن عتاولة فضيحة «فساد القمح» قد أفرج عنهم، وينامون فى بيوتهم وفى أحضان زوجاتهم، بعد أن ردوا نسبة من سرقاتهم، تقدر بمئات الملايين من الجنيهات، القانون فى مصر: اسرق قليل تتحبس، اسرق كتير هتعدى، ولو اتمسكت، ادفع قليل من الكتير اللى سرقته، ومصر هتشكرك إنك رجعت سريقتك، ومحدش هيحاسبك، إنها بلد «شخلل علشان تعدى».

 


مشاركة

اضف تعليقاً واقرأ تعليقات القراء

التعليقات 6

عدد الردود 0

بواسطة:

mohy

.الصحفي

رائعه نجيب محفوظ الحب فوق هضبه الهرمى و التي قام ببطولتها الرائع احمد زكي من لا يتذكر مشهد صلاح نظمي المفكر الذي ينصح البطل و هو جالس في كازينو فاخر يدخن الشيشه ؟! هكذا انتم ايها الصحفيون انتم ابطال مذهب ابرز الكارنيه علشان تعدي و ابرز القلم علشان تملي الدرج و الغريب ان الشعب الطيب ما زال ينصت لكم ؟! (و لولا ان افه حارتنا النسيان ما انتكس فيها كل مثال طيب)

عدد الردود 0

بواسطة:

مدحت العمدة

انا خايف عليك

والله كويس ان في صحفي بيكتب ويقول كدة في الفضائيات دلوقت بيحاولو يضحكو علي الناس اية يعني واحد يسرق ويدفع 78 مليون جنية بس ويطلع والتاني تقريبا 88 مليون جنية بس احنا الي ناس بنحقد عليهم عشان دول شرفاء المجتمع قانون مين او حكومة اية الي توافق بالي بيحصل دة وربي حررررام القانون دلوقت فعلا بيقولك اسرق ولو مسكناك راضينا بشوية من سرقتك وهتعدي ومش تقلق مش هنحاسبك علي الي فات علي الي مسكناه بس طظ في دة قانون وفي دي حكومه

عدد الردود 0

بواسطة:

احمط

حقيقي ابن حقيقي

فوق

عدد الردود 0

بواسطة:

عبد الصمد

مقال رائع يا استاذ محمد ..

حضرتك من القلة القليلة التي تحترم قلمها وتفرض المصداقية على كل حرف تقوله فين المطبلاتية تتعلم ؟! واحيي اليوم السابع على السماح لك بالنشر !! الفساد له انياب وضروس تحميه متغلغل وضارب في نخاع الجهاز الاداري الزند هو من فتح هذا الباب للتصالح مع الحرامية بحجة " اللي ييجي منه احسن منه" ووجهة النظر هذه اثبتت فشلها لأن الحرامي بيسرق بالدولار وبيدفع بالجنيه وما يدفعه لا يساوي 1% مما سرقه ليس هذا فقط بل شجع من لم يفسد على أن يجرب حظه ففي كلتا الحالتين كسبان إن نجى بفعلته ظفر بالـ " لوكشه " وان اتمسك دفع ملاليم وشفط الباقي !! كارثة بكل المقاييس يجب أن تغلظ العقوبة ويسدل الستار على قانون التصالح سيىء السمعة قبل أن تخرب مالطة !!.

عدد الردود 0

بواسطة:

عماد

مش وزير الكهرباء وبس ...

أتحدي اي وزير يقدر يقول راتبه كام بالضبط ... والموضوع مش بعيد ... لسه وزير التموين عامل لوكه ولما عرف انه هيدخل في س ، ج في مجلس الشعب قدم استقالته وخلع ... قانون مصر غريب جدا .. هوه مجرد الواحد مايقدم استقالته خلاص ما ينفعش نحقق معاه ...

عدد الردود 0

بواسطة:

احمد

قول الحق

والله لن ينصلح حال البلد طالما هو دة حال معظم الوزارات وهو دة المنطق اسرق ولما تتكشف ادفع جزء واصطلح

اضف تعليق

تم أضافة تعليقك سوف يظهر بعد المراجعة





الرجوع الى أعلى الصفحة