قرر الدكتور أيمن عبدالمنعم محافظ سوهاج، منذ قليل إحالة شكوى أولياء أمور مدرسة التوفيق الخاصة بطهطا والتي يتضررون فيها من تشريد أبنائهم بعد التحايل لتسليم مبنى المدرسة لملاكه وعددهم 15 طالبا بالصف الثانى والثالث الثانوى، وعدم وجود مكان بديل لهم إلى النيابة العامة للتحقيق وكذلك التحقيق مع مدير إدارة طهطا التعليمة ومدير إدارة التعليم الخاص بإدارة طهطا التعليمة ومدير إدارة التعليم الخاص بمديرية التربية والتعليم ،وأستبعاد الثلاثة من أماكنهم للحفاظ على العملية التعليمة والحفاظ على الطلاب وعلى الأموال العامة للدولة .
وتضمن القرار أيضا سرعة عرض الموقف فورا من قبل مديرية المديرية ووكيل وزارة التربية والتعليم والإفادة بشكل عاجل .
يذكر أن إدارة المتابعة وتقويم الإداء بمديرية التربية والتعليم بسوهاج توصلت تحقيقاتها الأولية إلى وجود شبهات مالية وإدارية قد تؤدى إلى الإضرار بالمال العام وتشريد الطلاب وتم تسليم مذكرة تفصيلية إلى الدكتور أيمن عبدالمنعم محافظ سوهاج والتي بناء عليه أصدر القرار.
عدد الردود 0
بواسطة:
محمد عبدالفتاح كامل
تمخض الفيل فولد فأرا
ياسيادة المحافظ المحترم كفاية استبعاد في الموظفين الغلابة واتهامات باطلة الخبر بيقول مدرسة خاصة فاين المال العام كمان بيقول 15طالب يعني الموضوع ابسط من انه سيادتك تتدخل فيه تعالي شوف المباني المدرسية وكثفات الفصول في البلينا واعداد الطلاب اللي بالالاف مش 15طالب في مدرسة خاصة ولا دول عشان ولاد الصفوة وابناء المدارس الحكومية ملهمش حد يسال عليهم ولا عشان حضرتك بتحب الشو الاعلامي. علي فكرة ايامك في سوهاج ايام معدودة فاياريت تترك اثر طيب
عدد الردود 0
بواسطة:
مواطن سوهاجي مقهور
محافظ علاقات عامة
15طالب قالب عليهم الدنيا وعامل شو اعلامي ياراجل روح شوف المديريه والادارات والفساد المالي والاداري اللي بجد في المدارس الحكومي والمحسوبيه والواسطه وكثافات الفصول والمدارس اللي هتقع محافظ فاشل شغال للكبار فقط اصحاب المدارس الخاصه واصحاب النفوذ ربنا يرحمنا ويكرمنا بمحافظ يحس بالغلابه
عدد الردود 0
بواسطة:
العارف ابوعلم
حسبي ربي
كثرة استبعاد الموظفين العمموميين من قبل السيد محافظ سوهاج مسالة تستحق التحقيق فيها مع سيادته من جهه اعلي منه وليكن رئاسة مجلس الوزراء كذلك اصدار قرارات بالاعفاء لبعض الموظفين في دواوين محافظة سوهاج ثم الرجوع فيها من قبل سيادته دون تحقيق تقدم ملموس علي ارض الواقع يعتبر اهانه لهؤلاء المستبعدون عن العمل وسط اهاليهم واقاربهم كذلك يعتبر قمة من قمم السيد محافظ هذا الاقليم طيب الاهل في فشله الزريع... ملحوظة تعاملت مع السيد محافظ سوهاج حينما كان يعمل في محافظة قنا وكيلا للصحة
عدد الردود 0
بواسطة:
امجد لويس
تستاهل
عمايلك دي تستاهل اللي حصل معاك في الكولا يامحافظ
عدد الردود 0
بواسطة:
ماقدرش اقول اسمي
ياريت
جميع قيادات التربية والتعليم فاسدة اضف اليهم اصحاب المدارس الخاصة بسوهاج تلك المحافظة الفقيرة والتي وصلت المصروفات الدراسية بها اكثر من سبعة الاف من الجنيهات للطالب الواحد فرجاء من معالي الدكتور المحافظ اقالة قيادات التربية والتعليم وكذلك اغلاق المدارس الخاصة المستبدة والجشعه في مصروفاتها
عدد الردود 0
بواسطة:
عبدالجواد
الشدة
حملات الرقابة الإدارية تكشف فساد الصحة والتعليم والرياضة والتموين بسوهاج.. أدوية ومواد للتحاليل منتهية الصلاحية وغلق معمل بدون ترخيص.. ووجود صالة ألعاب مغلقة وأجهزتها محطمة ماتدخل يامحافظ ولا مش فاضي من الخمس عشرة طالب وعاوز تديهم مجموعة وتعمل ضجة اعلامية عشان يقولو عليك شغال. احب اطمنك انه شهر فبراير القادم هتبقي في بيتكم
عدد الردود 0
بواسطة:
احمد صفوت
محافظ الشو الاعلامي
محافظ سوهاج بتاع الشو الاعلامي آخر حاجة يفكر فيها المواطن الغلبان.لكن لو حد كبير في المحافظة من الي بيطبلولوا ومن اصحاب المصالح ميقدرش يرفضلهم طلب .قال 15 طالب قال.ياعم روح شوف المحافظة الخربانة الي انت ماسكها.ولا بتعمل حاجة غير انك تتصور وتعمل منظر.فعلا حسبي الله ونعم الوكيل.
عدد الردود 0
بواسطة:
حمادة المصري
المحافظ ابو صدر مفتوح
يافاشل يامحافظ صورني يامعلم.
عدد الردود 0
بواسطة:
مواطن مقهور
محافظ فاشل
المحافظ بتاع سوهاج مش بيخدم غير اعضاء مجلس النواب وبيوقف الموظفين عن عملهم وباقي المواطنين بيتصور معاهم بصدره المفتوح وده كفاية عليهم
عدد الردود 0
بواسطة:
ميدو الصعيدي
سوهاج المظلومة
انا عايز اسأل سؤال للمسئولين هو محافظ سوهاج قعد محافظ علي اي اساس.لا انجاز ملموس علي ارض الواقع في المحافظه ولا عشان شوية اعضاء من مجلس الشعب ساندينوا عشان مش بيرفضلهم طلب وياريت طلبات بتخدم سوهاج لكن كلها مصالح شخصية.لكي الله ياسوهاج.