.jpg "\"خارجية البرلمان\": حدودنا البحرية وسد النهضة فى يد أمينة..وعمرنا ماهنعطش")
أكد السفير محمد العرابى، رئيس اللجنة الخارجية للبرلمان ووزير الخارجية الأسبق، أن قضية الحدود البحرية مع اليونان ستعرض فى البرلمان وتخوض عدة مراحل وجلسات استماع، موضحاً أنها لم تعرض حتى الآن.
وأضاف، فى تصريحات خاصة لـ"اليوم السابع"، أن قضية الحدود المصرية فى أيدى أمينة، قائلاً "بنطمن المصريين أن قضية الحدود فى أيد أمينة ولا يوجد تخوف منها".
وعن أزمة سد النهضة، قال: "ثقوا فى المفاوض المصرى، وهو حريص على عمله ومصر عمرها ما هتعطش".
ينما أكد السفير محمد العرابى، أن السياسة الخارجية المصرية قائمة على الحضارة المصرية القديمة منذ آلاف السنوات، مشيراً إلى أنه علينا الاهتمام بالصورة المصرية الخارجية التى يحاول الأعداء النيل منها.
وأضاف، أن السياسة الخارجية تقوم على عدد من الدوائر منها العربية والإسلامية والإقليمية والأوروبية، وأنه من أنصار التوسع فى العلاقات الخارجية للجنوب، ما يعود بالنفع على مصر.
وأكد، أن هناك دولاً بارعة فى علم التفاوض منها إسرائيل وإيران وظهرت مؤخراً إثيوبيا عقب أمة سد النهضة الإثيوبى، والتى استطاعت أن تتنصل من بعض المشاكل والاتهامات بطريقة بارعة ومتميزة فى علم التفاوض بدون إبداء رأى أو قرار مؤكد.
عدد الردود 0
بواسطة:
محمد
مش هنعطش !!! هههههههههه
لا والنبي ماهو معتش ناقص غير العطش يبقي فقر وجوع وعطش وشحاته ارحمونا بقي بجد والله
عدد الردود 0
بواسطة:
احمد حاتم
ياسلام عليك يافتك
كده بقى نطمن ان حضرتك بتقول عمرنا ماهنعطش ، ولا الارض كمان هتعطش صحيح الامور دي بيد الله بس لما تطلع من حضرتك اللي بتشتغل موظف دبلوماسي يعني لا ليك في الطور ولا ليك في الطحين وبكره تقعد معاش وتفتكر الكلام الفارغ ده وسط المعاناة والمصايب اللى هتكون فيها مصر ساعتها هتكتشف انك قضيت حياتك في كذب ونفاق وحياه متسواش زبابة
عدد الردود 0
بواسطة:
waked.ahmed52@gmail.com
السفير محمد العرابى،
أولا هو محمد العرابي سفير والا عضو مجلس شعب والا سفير دي زي دكتور ومهندس وأستاذ محامي ؟ أنا بصراحة أول مرة أعرف إن في كلية بتخرج سفراء!!!! ما علينا . المهم عايزين نعرف آخر تطورات الأحداث
عدد الردود 0
بواسطة:
Ezz
مصطبة النواب
هذه تصريحات لا يمكن أن تصدر من سفير سابق : لغة ليست دبلوماسية وأسلوب ركيك يمكن أن نسمعه من رجل على المصطبة وليس من رئيس لجنة الشئون الخارجية بمجلس النواب المصري. أرجوكم ارتفعوا في أسلوبكم إلي مستوى الأحداث ( ولا دا أخركم)
عدد الردود 0
بواسطة:
محمد نبيل
اطمننا كده و الحمد لله
عمرنا ما هنعطش، هو ده الرد اللي يطمن بصحيح، بعيدا عن الأرقام و التفاصيل الكتير و الخطوات المدروسة ، احنا كده الحمد لله المفروض نطمن لأن الراجل ده اللي احنا منعرفوش أصلا حلف لنا بأغلظ الأيمان اننا عمرنا ما هنعطش، لأ و كمان قاعد يشكر في قدرة أثيوبيا و إسرائيل علي التفاوض ، انا شايف اننا نفوض إسرائيل تتفاوض عننا لأن سيادة السفير الديبلوماسي قالنا ان إسرائيل هي بس اللي تقدر تلاعب أثيوبيا في النهائي
عدد الردود 0
بواسطة:
Egyptian Dr
كلام متناقض ...... عمرنا ما هنعطش .... اثيوبيا مفاوض بارع ... تتنصل من كل الاتفاقات !!!!!!!
طب ماهو المفاوض البارع ................ اللى ضحك علينا ........... ولبسنا العمه ......... وخلص بناء السد !!!!! .............. واحنا لسه لم نوقع على وثيقه اللجنه الفنيه الاستشاريه !!!!! التى تحدد ..........اذا كان السد خطر ولا لا ................. عشان اثيوبيا تبنى ولا لا!!!!!!!!!!!
عدد الردود 0
بواسطة:
مصرى أصيل
مافيش فايدة فينا
كل التعليقات المكتوبة على الخبر تدل على أننا معظمنا جاهل وبنفتى دون علم وبنعترض على أى حاجة وخلاص ،، لك الله يا مصر.
عدد الردود 0
بواسطة:
مصر
امينه مين يا عرابى
تصدف بالله ان العطش افضل مليون مره من الشرب من المياه الموجوده فى الحنفيات والتى نشرب منها الان وبد سنه او اتنين بالكتير اتفرج على الامراض التى ستنتشر والاوبئه بسبب هذه المياه الملوثه 100/100 ياراجل د الواحد وهو بيستحم او بيتوضا مبيبقاش طايق ريحتها فما بالك بما تعمله فى جوفنا وطبعا اتحدى لو واحد من المسؤلين او من الحظوه بيشرب منها او يستطيع ان يشرب بق واحد منها
عدد الردود 0
بواسطة:
SudaniOne
الجار أولي ..
ومتي ستبدأ مفاوضات ترسيم الحدود بين السودان ومصر وعودة مثلث حلايب لحضن الوطن ؟
عدد الردود 0
بواسطة:
الحاجة حنان احمد
أثق ثقة عمياء فى جيشنا الوطنى العظيم ومخابراتنا المخلصة
أؤمن على كلام الرجل وثقتى بالله لا تتزعزع ان مصر منصورة باذن الله .