خالد صلاح

نائب النور عن قانون بناء الكنائس: دولتنا "إسلامية" ونرفض توغل الأقباط

الثلاثاء، 30 أغسطس 2016 12:51 م
نائب النور عن قانون بناء الكنائس: دولتنا "إسلامية" ونرفض توغل الأقباط الدكتور أحمد العرجاوى عضو مجلس النواب عن حزب النور
كتب محمود العمرى

مشاركة

اضف تعليقاً واقرأ تعليقات القراء

قال الدكتور أحمد العرجاوى، عضو مجلس النواب عن حزب النور، وكيل لجنة الصحة بالبرلمان، تعليقا على قانون بناء وترميم الكنائس، الذى سيتم مناقشته اليوم، الثلاثاء، بمجلس النواب، أن الدستور نص على أن دولتنا "إسلامية"، والدستور لم يذكر أننا دولة مسيحية، ولما الغرب يعمل للمساجد زى ما بيعملوا للكنائس يبقى إحنا نقول نعم للكنائس.

 

وأضاف: "نحسبها بكل المقاييس وعدد السكان والمساحة هنلاقى هذا هو وضع الأقباط، ولا يمكن أن يتوغلوا أكثر من ذلك، وازاى مينفعش أخد القرار من كبار المسئولين فى بناء الكنائس ويكون القرار فى أيد سكرتير الوحدة المحلية، وبعدها نلاقى فى كل عزبة وكل مكان "كنيسة"، وهذا ليس منطق، لافتا أن جميع الأقباط يعيشون فى مصر بكل أمان وبكامل حريتهم وبكامل عبادتهم، واحنا بنحترمهم، وهم شركاء الوطن ولهم كافة الحقوق، وهذا لا يعنى أننا نترك الحبل الغارب".

 

وطالب عضو مجلس النواب، عن حزب النور، بأن يتم تقنين الأوضاع بالنسبة للقانون، وأن تكون الأمور فى يد المسئولين بالدولة، زى ما كان فى السابق، ويعنى الرؤساء اللى قبل كده كانوا "كفرة" ومكنوش مسلمين، كانوا مسلمين ومحافظين على الأقباط، ولابد أن تبقى الأمور كما هى عليه، وأية أسباب تضر بالأقباط كى يطالبون بقانون جديد لهم".

 

وردا على ما ذكرته النائبة نادية هنرى، بأنها سترفض القانون لأنه لم يعط الأقباط حقوقهم قال "العرجاوى": "ورينى واحد من الأقباط مش واخد حقه، ومين اللى قال أنهم مش واخدين حقهم، وياريت المسلمين ياخدوا حقوقهم زى الأقباط، موضحا أنه الآن فى إجازة لو حضر الجلسة سيصوت بلا على القانون".

 


مشاركة

اضف تعليقاً واقرأ تعليقات القراء

التعليقات 10

عدد الردود 0

بواسطة:

كلام مستفز

أوروبا وأمريكا مسيحية

أوروبا وأمريكا مسيحية وبيرفضوا تدخل المسلمين. المفروض أوروبا تطرد كل المسلمين وتقفل مساجدهم من باب المعاملة بالمثل. عالم عايشة في العصور الوسطى.

عدد الردود 0

بواسطة:

مصرى

بدء سماع اصوات خفافيش الظلام الكارهين والرافضين للمسيح والمسيحيين

اظهروا ياخفافيش الظلام بافكاركم وتعاليمكم المظلمة.........ربنا يسامحكم

عدد الردود 0

بواسطة:

R

الوجه القبيح لحزب خفافيش الظلام

هذا هو فكر حزب خفافيش الظلام وهل نص القرأن علي منع بتاء الكنائس . ونسي ان الستور ذكر أن للمواطن المسيحي له كافة الحقوق والواجبات التي يتمتع بها المسلم . ثم أن الدول التي يقال عنها مسيحية دول مدنية بحته. العيب مش عليه العيب علي اللي علمه وخلاه عضو مجلس

عدد الردود 0

بواسطة:

مصرى

.....

عندى اقتراح لحزب النور احنا نججيب تسيبى ليفنى يتاعة اسرائيل وتحطو ايديكو فى ايديها تانى وتتفقوا على قانون بناء المعابد اليهودية منافقيييين

عدد الردود 0

بواسطة:

عماد

"غدا" قريب

صدقني سيأتي يوم ستتمنى فيه أنك لم تكن قد قلت هذا الكلام

عدد الردود 0

بواسطة:

هادي

كلام محترم

كلام محترم

عدد الردود 0

بواسطة:

مش لازم تعرف عشان ما تقولش دة مسلم ولا مسيحي

منطق مغلوط بتاع النور

القياس بين اوروبا ومصر لايستقيم. فاوروبا بلاد مسيحية منذ ميلاد المسيحية ولم يدخلها الاسلام وعليه فهي ليست ملتزمة بأخذ المسلمين في الاعتبار (ومع ذلك فهم يفعلون)، لكن مصر دي بلد المسيحيون فيها اساسيون، وفوق ذلك فتحها العرب فتح مهادنة وليست فتح غلبة، وعليه فالمسيحيون يعدون عنصرا اساسيا في التركيب السكاني لمصر ولازم يبنوا كنايس وقتما شاءوا كيفما شاءوا.. وبعدين انا فعلا مش فاهم - بجد والله - ايه يعني اللي حيزعل المسلمين ان المسيحيين يصلوا في كنايسهم؟ يعني دي حاجة تزعل في ايه؟

عدد الردود 0

بواسطة:

مواطن مصرى

انسان مريض

معلهش التعصب بيبقى صعب و هو غالبا لم يقرأ القانون ولا يعرف فيه ايه لكن طالما مسيحيين يبقى لأ

عدد الردود 0

بواسطة:

حسين الملييجي

كلام كله فتنه

هذا الغير مرغوب به سيرد عليه النصاري بان البلد بلدهم مسيحيه قبل الاحتلال الاسلامي ويجب تحرير ارض مصر منهم يجب محاسبة هذا السلفي لوقف الفتنه مصر للجميع ويحفظها من اعداء الوطن والجهلة

عدد الردود 0

بواسطة:

adel

fayoum

دا اسمه كلام فلاحين من الكلام الحبل على الغارب وشكراً ياريت تكون متعلم.

اضف تعليق

تم أضافة تعليقك سوف يظهر بعد المراجعة





الرجوع الى أعلى الصفحة