أكد محمد صلاح مدرب عام نادى الزمالك، أنه على استعداد تام لخدمة القلعة البيضاء فى أى منصب وتحت أى مسمى، مشيرًا إلى أنه لا يوجد "عيب" فى العمل مع مدرب أصغر منه سنًا.
وقال صلاح: "أنا بحب الزمالك ومرتضى منصور لدرجة فوق الوصف، ودايماً بكون عند حسن ظن رئيس النادى، واختياراته دائماً فى محلها.. المشكلة اللى الناس مش عرفاها إن المدربين الأجانب اللى اشتغلت معاهم أصغر منى فى السن، لكن علشان أجنبى محدش واخد باله قوى، لكن إيه العيب إنى اشتغل مع ميدو والكابتن حلمى، والمستقبل لمؤمن سليمان والشباب الصاعد مثله.. وعندى استعداد اشتغل فى أى منصب بالزمالك خاصة مع مرتضى منصور".
ومزح محمد صلاح مع الإعلامى سيف زاهر مقدم برنامج "الملاعب اليوم" : "ثقة المستشار مرتضى تسعدنى، لكن أنا عايزك تسأله هو بيثق فيا كده ليه؟!".
عدد الردود 0
بواسطة:
ابو هاجر
هههههههههههههههههههههههههه
لخدمة القلعة الحمراء
عدد الردود 0
بواسطة:
محمود
القلعة الحمراااااء
ربنا يستر
عدد الردود 0
بواسطة:
ابو على
وإحنا كأهلاويه نثق فيك ياكابتن صلاح فنيا واخلاقيا على اعلى مستوى
للعلم محمد صلاح افضل باك رايت للزمالك بعد عمر جابر وقبل ابراهيم حسن وباك رايت المنتخب ايام الخطيب لاعب على اعلى مستوى فنيا واخلاقيا وكمان مدرب على اعلى مستوى ولما مسك فرق فى الدورى من اكثر من 10 سنوات مع مزارع دينا وفرق اخرى كان ليه شكل حلو ومحترم وكان بيحرج كل فرق الدورى وطلع الزمالك من الكاس وهو ماسك فرقه صغيره . محمد صلاح تدريبيا لايقل عن روقه ويقارب المعلم وبعدين متسامح مع نفسه ومش غلاوى نتمنى لك التوفيق ياكابتن صلاح ونادى الزمالك كل فتره بيتحفنا بشخصيات رائعه
عدد الردود 0
بواسطة:
ابو أحمد ابو أحمد
اكيد عرفت السكة
اكيد عرفت السكة --- وعملت الواجب مع ( العصفورة )