أكدت دعاء غباشى، لاعبة منتخب مصر للكرة الشاطئية، أنه لم تعلم بظهور علم إسرائيل فى الصورة التى إلتقطتها مع أحد المشجعين عقب انتهاء مباراة مصر وإيطاليا فى الكرة الشاطئية بأولمبياد ري ودى جانيرو بالبرازيل.
قالت دعاء خلال تصريحاتها لبرنامج "كورة كل يوم" : "إزاى علم اسرائيل موجود فى ماتش مصر وايطاليا، واسرائيل غير مشاركة فى اللعبة اصلاً.. ودى واحدة جاية تعمل حاجة معينة ونفذتها على أكمل وجه، والدليل على كده أن فى مدربين معايا فى الفريق ورئيس الإتحاد الدولى كان معايا، وركزت جداً أن ماحدش منهم ياخد باله، وأنا لو أعرف أن ورايا العلم ده كان استحالة أتصور".
أضافت غباشى: "أنا ماليش أى كلام مع الناس دى، وهما حبين يوصلوا رسالة لكن غلط، وبيقولوا إنى عملت كده علشان أصحح اللى إسلام الشهابى عمله ورفض مصافحة اللاعب الإسرائيلى، وأنا لو كنت أعرف أن العلم ده ورايا مكنتش أتصورت، ولم يتم التحقيق معى لأن الناس كلها عارفة أنها صورة ملفقة".
عدد الردود 0
بواسطة:
مواطن مصرى
كان باين جدا انه مدبره
ولا يهمك ! معظم اللى عندهم مخ وحنكه توقعوا انها مدبره
عدد الردود 0
بواسطة:
أنور اسماعيل محمد عثمان
بجد ؟
انتى واقفة على بعد 2 سنتيمتر من العلم الاسرائيلى و إنتى اللى بتصورى سيلفى بالموبايل الخاص بك !!! كفاكى استخفافا بالعقول ، بتاخدى سيلفى و شايفة نفسك كويس فى الشاشة قبل ان تضغطى زر التقاط الصورة
عدد الردود 0
بواسطة:
شريف محمد محمد ابو سليمة
ياما فى الدنيا من حجج
هى دى كمان مباراتك امام المانيا اللى "مدحت شلبى" و "الشيخ طه اسماعيل" اقسموا انك انتى اللى كسبتى المانيا بينما الحقيقة ان المانيا كسبتك 42 : 12 ؟
عدد الردود 0
بواسطة:
ياسر الهجان
مصدقينك كلنا
مصدقينك كلنا ويسقط العدو الصهيوني وسياتي يوم قريب نضع احذينا فوق العلم الاسرائيلي في القدس
عدد الردود 0
بواسطة:
عماد
إلى رقم 1 ورقم 4
تعاطفكم معها ليس في محله. كلنا نعلم أن صور السيلفي تظل في هاتف الشخص ملتقطها إلى أن يختار بمحض إرادته أن يفصح عنها ويتشارك فيها مع الآخرين. فبعد أن أخذت الصورة وشافتها هي أولا لماذا قررت أن تنشرها بالرغم من وجود العلم إياه وقتها أيضا؟ إذا أجبنا السؤال نعرف مين مغفل ومين مطلوب إستغفاله وشكرا.
عدد الردود 0
بواسطة:
wael
مكيدة
واضح جدا انها مكيدة - التعليق رقم 2 - اتقي الله الصورة مش سيلفي و اللي شايل العلم جالس في المدرج الخلفي