علق إسلام الشهابى، لاعب الجودو المصرى بأوليمبياد ريو دى جانيرو، على خسارته من اللاعب الإسرائيلى، بقوله:"أنا زعلان جدا، ومكنش نفسى أتحط فى موقف معرفش أتعامل معاه".
وأضاف "الشهابى"، خلال حواره مع الكاتب الصحفى خالد صلاح، ببرنامج "على هوى مصر" الذى يذاع على فضائية النهار one، أن الإسرائيليين كانوا يخططون لوضعه فى موقف محرج فى الأوليمبياد، رغم أنه يعلمون أنه سيرفض مصافحة لاعبهم، فيما علق على بيان اللجنة الاوليمبية حول تصرفه بعدم المصافحة، قائلًا "ممكن عملوا كده علشان ميقعش عقوبات عليهم، ولا تعليق على موقف اللجنة وبيانهم".
وأوضح لاعب الجودو المصرى، أنه تم التحقيق مع من قبل اللجنة الاوليمبية بشأن واقعة عدم مصافحة اللاعب الإسرائيلى، وقال لهم إنه ليس صديقه كى يسلم عليه بعد المباراة، مؤكدا أنه لا ينتمى إلى جماعة الإخوان أو أى حزب سياسى، قائلا:"أنا مسلم سنى بسيط جدا وسلفى يتبع قال الله وقال الرسول، وضد إراقة الدماء ومش هسلم على أحد إيده ملوثة بالدماء".
وتابع: "معرفتش أتحكم فى ثباتى الإنفعالى وزعلان، ولو ملعبتش كانوا هيتقال عليا جبان واتصرف عليا فلوس كتير، ولو سلمت كان هيتقال بيسلم على اللى إيده ملطخة بالدماء، ولو مسلمتش كنت هبقى متطرف! فكنت متحاصر من ساعة ما القرعة اتعملت".
عدد الردود 0
بواسطة:
عصام
كلامك صحيح
بس ياتري بتصافح اخوانك السلفيين الي ايديهم ملوثة بدماء المصريين
عدد الردود 0
بواسطة:
مصراوى
ده طبعا بعد ما حضرتك حصلت على الذهبية
انت يجب شطبك من اتحاد هذه اللعبه او يعلموك انك مجرد لاعب ليس من حقك التعبير عن اى موقف سياسى ولكنك اردت تغليف فشلك بهذا الموقف الذى شجبه عموم الشعب المصرى
عدد الردود 0
بواسطة:
مصرى غضبان
حمد لله على سلامتك .....يا بطل !!!!
وسيبك من تعليق رقم ( 1 ) ...ده هرى فاضى !!!
عدد الردود 0
بواسطة:
نبيل
لابديل
اقترح ان تعتزم رياضة الجودو والاكتفاء بالسياحة التوقيعات فهي تؤلم مواهب الفطرية
عدد الردود 0
بواسطة:
محمود
أقعد فى بيتك أحسن
لما الجمهور هاجمك وأهانك ، كان يهين صورة مصر قبلك ، ممكن أن تقاطع منتج ...ممكن تقاطع شركة...أنت حر ....لكن عندما تمثل مصر ، يجب أن تتصرف بشكل حضارى
عدد الردود 0
بواسطة:
احمد رأفت
انته لاتمثل نفسك انت تمثل دوله ولكن العيب مش عليك
يعنى انته مش حتسلم على اخوانى ماهى ايديهم ملوثه بالدماء ولا انت بتنافق روحك يتك خيبه جبت الديب مين ديله مغرور وفاشل كمان على ايه التناكه العيب مش عليك العيب والقبح على الى بعتك تمثل مصر وانته لاتستحق
عدد الردود 0
بواسطة:
wael
اتنيل علي خيبتك
بدل ما كنت تعمل الشو الخايب ده كنت طحنت امه وهزمته دا جابك بالقاضية يا بني انت اصلا ملعبتش وماكانش فيه منافسة من الاساس ولا نجيب الفيديو تاني بطلوا استعراضات بقي جتكم خيبة وستين وكسة ضحكتو علينا العالم.
عدد الردود 0
بواسطة:
المصري افندي
هلفطة الكلام
فعلا انت بطل و كسبت بسرعة جدا كل احترام العالم لمصر و لشعبها المضياف العظيم و شكرا علي رد الجميل لمصر اللي صرفت عليك الملايين من الدولارات و هي بتحارب علي كل المستويات من اجل عودة السياح الي ديارنا ...... شكرا يا همام ياللي عارف ان الرياضة اخلاق و ادب و ذوق مش فشل و قلة ادب وهلفطة كلام
عدد الردود 0
بواسطة:
جحا
يا راجل انت فضحتنا رياضيا و اخلاقيا
تخسر 100/صفر يعني لم تكسب اي بنط. و بعدين تخسر اخلاقيا لما ترفض تسلم علي منافسك الاسرائيلي ما انت لعبت معاه خلاص مش ده تطبيع برضه. كنت اعتذر بعذر مرضي و بلاش تلاعبه من الاصل. الخلاصة لا رياضة و لا اخلاق. و خليت اسرائيل تستغل موقف و تكسب به شعبية في العالم كله كدولة محبة للسلام تمد يدها لجيرانها المتخلفين فيرفضوا مصافحتها.
عدد الردود 0
بواسطة:
احمد
خبر هايف زيه
المشكلة ان هو مسكه طول الوقت بإيده في المباراة ههههههه مسخرة