أكدت البطلة سارة سمير، الحاصلة على برونزية الأولمبياد فى ريو دى جانيرو بالبرازيل، أنها لم تتلق حتى الآن أى رد من وزارة التربية والتعليم بخصوص إعادة امتحانات الثانوية العامة، التى لم تستطع أن تؤديها لظروف سفرها والمشاركة فى البطولة، قائلة:" محدش حل لى المشكله لحد دلوقتى.. وأنا جاهزه للإمتحان فى أى وقت"
وطالبت سارة سمير ، خلال تكريمها بمركز شباب قرية "الهوانية" بمركز ومدينة القصاصين الجديدة فى محافظة الإسماعيلية، الرئيس عبد الفتاح السيسى ووزير التربية والتعليم، بسرعة التدخل فى هذا الأمر حفاظا على مستقبلها العلمى وعدم ضياع عام من عمرها.
عدد الردود 0
بواسطة:
مجدي فضل
مستنيين ايه؟؟
الوزارة مش عارفة تحل المشكلة لحد دلوقت - يعني لازم قرار جرئ من فوق علشان الوزير محتار واللا مش قادر ياخده - كلنا وكل المصريين بيدعولك يا بطلة وربنا حينصرك
عدد الردود 0
بواسطة:
زيزو
امتحان ايه وثانوية ايه يا بطله، السنة الجاية براحتك، انت ايه مشكلتك؟
انك هاتتأخرى سنة يعنى عن دفعتك فى الوظيفة الميرى؟ وايه يعنى مش مشكله، ما هو مستحيل الوزارة هاتعملك لجنة لوحدك وامتحانات سيتم تأليفها وطبعها مخصوص ليكى، عمرها ما حصلت لا فى مصر ولا فى أى دولة فى العالم كله، موضوع منطقى!!!،ومش فى ايد الرئيس ولا الوزير على فكره ضد كل القوانين، والحمد لله ربنا كرمك باعظم شهادة واعظم انجاز ميدالية اولومبية وشهرة وفلوس وتكريم من اعلى مستوى وحب الشعب المصرى كله، وبداية مشوار بطله كبيرة، سيبك بقه من سكه الندامه اللى هى الدراسه والجواز والحمل والعيال والخراب اللى خرب الامة العربية كلها، انسى الجواز خالص قبل 35 سنه لما تبطلى رياضه خالص، ركزى يا بطله فى الاولمبياد الجايه من دلوقتى.