حصل"اليوم السابع"على نص التحقيق مع 3 طالبات اتهمن مدرس رياضة بالتحرش بهن جنسيا داخل مدرسة ثانوى فى منطقة العجوزة والتى أجريت بواسطة المستشار محمد سويفى وكيل نيابة العجوزة، بإشراف المستشار هادى عزب رئيس النيابة، والمستشار أحمد البقلى المحامى العام الأول لنيابات الجيزة وانتهت بإحالة القضية لمحكمة جنح العجوزة برئاسة المستشار سمير سكر، وسكرتارية سامى غريب، حيث تحددت جلسة 6 سبتمبر المقبل لبدء المحاكمة فيما تبذل الشرطة جهودها للقبض على المدرس المتهم.
وتضمنت التحقيقات سماع أقوال والدة إحدى الطالبات المتضررات على النحو التالى:
ما اسمك وسنك ووظيفتك؟
اسمى" ن.ع"،37 عاما، ربة منزل
ما تفصيلات الواقعة تحديدا؟
اللى حصل إن بنتى جات لى الأسبوع الماضى وقالت لى إن الأستاذ بتاعها بيضايقها علشان راحت تسأله عن طريقة سهلة للمذاكرة، وقال لها يعنى أى حاجة هقول لك عليها هتعمليها؟.. وهى قالت له زى إيه قال لها يعنى لو واحد هيطلب حاجة من واحدة هيكون إيه؟.. وراحت سيباه ومشيت وتانى يوم الأستاذ ده نده عليها وقالت له عاوز إيه منى، قال لها يعنى إحنا هنطلع نلعب مع بعض فى المناطق إلى فوق وملناش دعوة بالمكان اللى يودى فى داهية، راحت سيباه ومشيت.
وأضافت: بنتى جاءت قالت لى الكلام ده أنا خوفت عليها وبقيت أروح معاها الامتحانات والدروس وكل ما نروح المدرسة المتهم يبص على بنتى بطريقة وحشة، وفى يوم الأحد اللى فات كانت بنتى قاعدة مع أصحابها البنات والمدرس دخل عليهم ونده عليها لوحدها ولما راحت له كانت خايفة، وقال لها فكرتى؟ فقالت له حضرتك عايز إية بالظبط وساعتها سجلت الكلام بتاعه بتليفون صاحبتها فقال لها إيه إحنا مش اتكلمنا فقالت له المادة بتاعة حضرتك خلصت خلاص، فقال لها أنت لسة فى إيدى وعندك امتحان يوم التلات والخميس وهظبطك فى الامتحانات دى وقالت له أنت عايز منى إيه من الآخر، قال لها هنخرج وهفسحك بالعربية وهنروح الشقة بتاعتى نرقص رقصة حلوة ونتفرج على فيلم حلو كدة نعيد بيه أيام الشباب، وهى قالت له إشمعنا أنا؟.. قال لها: أصل دول ناشفين مفهمش حاجة، وقال لها فكرى وردى عليه وخدى رقم تليفونى وبعد كده خرجت من عنده وفضلت تعيط ورجعت على البيت وقالت لى اللى حصل وروحنا عملنا بلاغ.
متى وأين حدث ذلك؟
الكلام ده حصل يوم الأحد اللى فات بإحدى مدارس العجوزة للبنات.
ثم كانت تفاصيل التحقيقات مع والدة الطالبة الثانية كالتالى:
ما هى صلتك بالمدعية؟
هى بنتى
ما سنها تحديدا؟
عندها 17 عاما
ما هى كيفية علمك بالواقعة؟
هى قالت لى على اللى حصل.
وما الذى حدث تحديدا؟
هى قالت لى إن فيه مدرس رياضيات فى المدرسة عندها كل شوية يتعرض لها وعايز منها حاجات وحشة وقال لها هظبطك فى الامتحانات والنتيجة.
ما طبيعة الأشياء التى طلبها المشكو فى حقه تحديدا؟
هو قال لها أنا عندى شقة وعاوزين نخرج مع بعض وهفسحك والفلوس اللى أنت عاوزاها هديها لك بس هنبقا نروح الشقة نتفرج على أفلام حلوة ونرقص رقصة حلوة وهنلعب فى الأماكن إلى فوق وملناش دعوة بالأماكن اللى تودى فى داهية ومتخفيش هخليكى بنت بنوت زى ما أنت.
هل شاهدتى ذلك الحوار بنفسك؟
لا بنتى اللى قالت لى عليه.
هل تطور ذلك الحديث إلى أفعال مادية تعرض بها المشكو فى حقه لابنتك؟
هو حاول مرة يمسك أيديها عشان يحضنها ولما الطلبة شافوه خاف وهى زقته.
هل استخدم وسائل إكراه تجاه كريمتك؟
أيوه.. كان بيهددها بأنه هيسقطها فى الامتحانات لو مسمعتش كلامه هى وأصحابها وكان بيقول لأصحابها البنات إن نجاحكم متوقف على حاجة بينى وبين "خ"
ما الضرر الواقع عليك أو ابنتك من جراء الواقعة؟
هو تحرش ببنتى بالألفاظ وهددها أنه هيسقطها فى الامتحانات لو مسمعتش كلامه.
هل سبق لابنتك التعرض لهذا الموقف من قبل؟
لا دى أول مرة.
هل لديك أقوال أخرى؟
لا
وفى استجواب النيابة للطالبة المجنى عليها سألتها التالى:
ما تفصيلات بلاغك؟
أنا فوجئت بالأستاذ "منتصر.ع" مدرس الرياضيات بيقول لى ألفاظ خادشة للحياء العام فى تحرش لفظى، وفوجئت به يمسك يدى محاولا التحرش بى جسديا، وعرض على النجاح مقابل سماع كلامه فيما قرره لى، وقال لى: "تعالى معايا الشقة نعمل زى المتجوزين بس هى بوسة ورقص ونتقرج على فيلم حلو"، ولما رفضت كلامه ده قال لى طب فكرى علشان لسة فى تصحيح إجابات وأنت معايا السنة الجاية، وفوجئت أمس بيقول لى أنت فكرتى فى اللى قلت لك عليه.
وقال لى أنا هخلى مدرس يدخلك ويديلك الإجابة وعرض على علامات تميز بياناتى على ورقة الإجابة، واتصل بى على هاتفى وفوجئت به قال لى إن هو مش هيعمل حاجة تودى فى داهية وهتبقى برضوا بنت بنوت كلها حاجات خفيفة وقلت له الكلام ده غلط ومينفعش تقوله لقيته بيقول لى (لفظ خارج) أنا أعمل إللى أنا عايزه وخلى بالك مستقبلك فى إيدى، وأنا منتظر ردك عليه لما تيجى المرة الجاية، وأنا قولت لماما وبابا نعمل محضر مع زملاتى لأن حصل معاهم نفس الكلام.
متى وأين حدث ذلك؟
الكلام ده حصل من أسبوع وأمس داخل مدرسة العجوزة الإعدادية الثانوية بنات بشارع عبد المنعم رياض.
أمام من حدث ذلك؟
أمام زميلتى
ما الألفاظ الذى ذكرها لك المشكو فى حقه؟
قال لى تعالى نعمل حاجات بسيطة وما تخفيش خالص هى بوسة ونرقض ونتفرج على أفلام وهتبقى بنت بنوت زى مانتى وتعالى معايا الشقة وهديكى اللى إنت عيزاه وهيبقى كله فى الجزء العلوى وكان بيعمل حاجات ببقه فيها إغراء.
هل مسك المشكو فى حقه أجزاء من جسدك؟
مسك إيدى وحاول يمسك جسمى بس أنا رجعت للخلف ودفعته وجريت.
ما نوع التهديد الذى ذكره المشكو فى حقه؟
هددنى بالإيذاء وهددنى بالسقوط
ما قصدك من أقوالك؟
اتخاذ اللازم قانونا
هل تتهمى المشكو فى حقه بشىء؟
اتهمه بالتحرش اللفظى والبدنى بى والتهديد لى بالإيذاء وبسقوطى فى المادة.
واستمعت النيابة إلى طالبة الثانية وسألتها:
ما اسمك؟
ج: اسمى "أ.م" ـ 17 سنة طالبة بمدرسة الإعدادية والثانوية بنات بالعجوزة.
س: ما تفصيلات أقوالك؟
ج: إلى حصل إنى الأستاذ "م.ع" مدرس الرياضة علطول دائم التلفظ بألفاظ خادشة للحياء ويقوم بأفعال مخلة وإحنا بنخاف أحسن يسقطنا وفى الفترة الأخيرة كان بيضرب البنات بأيده على جسم البنات ولما كنت مع "خ.ه" فوجئت به بيقولها أنا عايزك لوحدك فلما قلت له أشمعنا هى قال لى انتى رفيعة مفكيش حاجة وقال لها انتى فكرتى إلى قولتلك عليه قالت له لا ولما كنت بسأله عن النجاح والأسئلة عن المادة قال لى الموضوع متعلق بـ"خ.ه" وكلموها عشان تنجحوا، وفى مرة كنا واقفين مرة فى الطريق قبل الحمام وقلنا يا مستر كلمنا هنا عشان كان بيمشى فقلنا إيه يعنى تعالوا معايا الحمام وقعد يقول كلام به خدش للحياء.
وهل قام المشكوا فى حقه بمسك أى جزء من جسمك؟
مسكنى من إيدى وكان بيضرب البنات على جسمهم بأيده بأسلوب وحش به شىء من التحرش.
وما الألفاظ التى ذكرها لكى المشكو فى حقه؟
أمس لما كنت مع "خ.ه" وقال لها أنا عايزك لوحدك وقلت له أنت عايزها ليه قال لى ملكيش دعوه إنتى متنفعيش إنتى رفيعه، ولما "خ" رفضت كلامه الوحش راح ضربنى فى صدرى وكان علطول بيقول لى إنتى عايزة تتخنى شويه وكان بيقوم بأفعال مخدشة للحياء وأقوال وحشة.
وما قصدك من أقولك؟
اتخاذ اللازم قانونا
هل تتهمى المجنى فى حقه بشىء؟
اتهمه بالتحرش اللفظى لى والقيام بأفعال مخلة للآداب والتهديد بالإيذاء لى وبسقوطى فى المادة.
وجاء فى نص استجواب الطالبة ثالثة ما يلى:
ما اسمك؟
اسمى "س.ع" 17 سنة طالبة بمدرسة العجوزة الإعدادية الثانوية
ما تفصيلات بلاغك؟
اللى حصل إن الأستاذ "م" كان لما يلاقى معندناش مدرس فى الفصل بيدخل لنا ويقعد معانا وكان طول ما هو قاعد فى الفصل يقول كلام وحش وفى مرة قال لى إن جسمك حلو وصدرك حلو بس عايزينه يكبر شوية وعايزة سيلكون ولا عايزة أنا أكبرهملك وعلى فكرة الجيبة دى مخلية جسمك نار، وأنا زعقت له بس خوفت أقول لأهلى أحسن يقول عليه كذابة وهو يسقطنى فى المادة، ولما سألته عن الامتحانات قال لى "خ" فى إيدها نجاحك روحى اقنعيها باللى قلته ليها وأنت تنجحى علطول وكان لما بيكون فى الفصل يقعد يبص لى ويعمل حركات بفمه ورأسه ويغمز لى بعينه.
متى وأين حدث ذلك؟
تكرر الكلام ده أكتر من مرة وآخرها أمس فى المدرسة
أمام من حدث ذلك؟
أمام زميلاتى
وهل أمسك المتهم أى جزء من جسدك؟
كان ساعات بيفتح السوسته بتاعة البنطلون ويقعد يقول كلام وحش.
ما الألفاظ التى ذكرها المشكو فى حقه لك؟
كان يقول لى جسمك حلو وصدرك حلو بس عايزينه يكبر وتعالى نعمل حاجة مع بعضنا وتعالى أكبر لك صدرك وكلام تانى وحش خالص.
عدد الردود 0
بواسطة:
قدري إني مصري
كل حاجة في مصر بقت
تعليم تربية أخلاق رياضة فن ثقافة صناعة زراعة شوارع مدن قرى
عدد الردود 0
بواسطة:
Saleh
هو في مدارس
هو في مدارس الأيام ده
عدد الردود 0
بواسطة:
مهندس/مجدي المصري-القاهرة ....
يا حكومة نريد ثورة حقيقية لتغيير التعليم
للأسف القاضي يسأل ام الطالبة ويقول لها هل شاهدتي ما حدث ؟؟بالله عليك أيها القاضي لو انت في نفس الموقف وشاهدت الحدث فماذا انت فاعل ؟؟انا عن نفسي كنت اول شيء سأقوم بخصي هذا المجرم وبعد ذلك ضرب موت بعدها تحدث أحداث اخرى. التعليم يا سادة هو من أفسد المجتمع .لابد من ثورة حقيقية على منظومة التعليم بداية من البيت ثم الحضانة والمدرسة .نريد معلمين تربويين وليس جزارين .نريد من يقود الإصلاح وليس الإفساد. نريد إدارة حقيقية ندير المنظومة بطريقة حرفية وليس بنظام نفعني وأنفعك القائمة على مصلحة الجيب ..نريد هيكلة كاملة لوزارة التعليم ورفض كل أساليب الاتجار به .من ينزل الشارع يرى العجب من ملصقات الحائط للمدرسين أطلقوا على أنفسهم الإمبراطور والآسطورة والعبقري في المادة التي يريد تدريسها بالفلوس .ونسى هؤلاء أن المدرسة هى أساس الدروس وليس البيت ومراكز الدروس الخصوصية .انا ابنتي تدرس بالإمارات منذ بداية العام إلى قبل يوم واحد من الامتحان النهائي كانت تذهب للمدرسة لتلقي دروسها. عندنا للأسف منذ اليوم الأول المدرسة ومديرها ومدرسيها يجبرون الطلبة على ترك المدرسة ليبدأ المدرسين موسمهم للدروس الخصوصية من بداية النهار لمنتصف الليل فهل يتبقى وقت ليحضر المدرسة ليعطي دروسه ؟أين لجنة التعليم بمجلس النواب طالما أن البيه الوزير مثل خيال المأتة؟؟بداية إصلاح البلد تبدأ بالتعليم .بداية حب البلد وانتماؤه لها تبدأ بالتعليم وليس كما قرأنا اليوم بأن قناة النيل تبث الأغاني الوطنية لبث الحماسة للشعب ؟؟كلام فاضي يردد كذابين لا عمل لهم سوى الكذب والنفاق.حب الوطن وبث الحماسة تبدأ منذ الصغر بواسطة المدرسة والبيت لدفع الطفل على حب بلده .يا مسؤولين كفانا نعرات كتابة ويا قضاة كفانا أحكام هزلية أدت بنا لكوارث وأفرزت كم من المجرمين والجرائم كانا لا نعرفها وكله بسبب أحكام البهوات المسخرة التي شجعت على ارتكاب المزيد من الجرائم دون ردع .يا مسؤولين بلدنا تغوص في الفساد وانتم نايمين في العسل .اجيالنا تسير للأسوء وليس للأحسن. أين أنتم. اللهم من أراد بمصر وأبنائها خيرا فاعينه عليه ومن أراد بمصر وأبنائها شرا فاقضي عليه .اللهم آمين
عدد الردود 0
بواسطة:
محمد ماجد
اتفق مع التعليق رقم 3
اتفق مع المهندس/ مجدي المصري واضيف بان اصبح اولادنا نخشي عليهم حتي للذهاب الي المدرسة بيت العلم والمعرفة .. لان المدرس بكل اسف غير مؤهل و لا يخضع للفحوصات النفسية والطبية التي تمكنه من ممارسة هذا الواجب الوطني ام لا.وارثاء القيم والمبادئ والاخلاق والتربية والتعليم. هذا المدرس يستحق الرجم حتي الموت..وياريت العدالة الناجزة حتي يكون ردع لمن تسول له نفسه. بكل اسف لم يعد هناك تربية ولا تعليم .
عدد الردود 0
بواسطة:
هايدي
اكبر دليل
يا ريت الدولة تفهم ان من العبث نضع اي درجات اعمال سنة ان هذا تشجيع علي بيع النتيجة و انحراف الاجيال القادمة ارجو النشر
عدد الردود 0
بواسطة:
محمد
فساد التعليم
تمثلية درامية لطالبات فشلة والتعليم فى انحدار ومهازل واصلاح حال البلد يبدا بالتعليم ولكن للاسف المدرسين اصبحت تزوغ من المدارس علشان يشتغل بعد الظهر علشان يعرف يعيش
عدد الردود 0
بواسطة:
مغتربه
اتقى الله
يا اخى حرام عليك اتقى الله هو انت كنت معاهم وهما هيستفادو آيه لما يقولو كلام محصلش وكلام زى ده ناس كتير بقت اخلاقهم منحطه ربنا يسترها علينا وعلى اولادنا
عدد الردود 0
بواسطة:
خالد مصطفي محمود
أفة المدارس أعمال السنة والدروس الخاصة
أفة المدارس أعمال السنة والدروس الخصوصية أعمال السنة يا سادة تجبر الطلبة والطالبات لاخذ دروس خصوصية لدي مدرس المادة أول طريق للقضاء علي الدروس الخصوصية هي ازلة أعمال السنة من قاموس المدارس وهذا عن تجربة شخصية لاولادي فعندما لاأعطي لاولادي دروس خصوصية أو مجموعة تقوية يشعر أولادي بلاضطهاد من المدرس والالفاظ البزيئة والتجاهل وأعطاء درجات متدنية لاولادي وأذهب للمدرسة لاعرف السبب يقول مستوي أولادك وحش جدا ويريدون تقوية في المادة اضطر لاعطائهم دروس خصوصية مع مدرسين المواد فتتغير أعمال السنة للاحسن والمعاملة للاحسن الضمير مات لدي المدرسين وأصبحو جشعين ياريت يتحقق أمنيتي لآلغاء أعمال السنة حتي لا يكون المدرس سكينة علي رقبة الاولاد واولياء الامور
عدد الردود 0
بواسطة:
سيدة مصرية للاسف
هدفهم ضياع مصر
الموضوع الاساسى هنا ازمة اخلاق المدرسين زمان كان عندى مدرس عربى محترم زيادة وفى نفس السنة كان فى مدرس رياضيات بيتحرش بكل بنات الفصل بنفس المرتب المسالة مش فلوس يارب استودعك كل الطلبة والطالبات اثنين فى مصر ضايعين الطالب و الفلاح وهما اهم اثنين لقيام الدولة يعنى مصر
عدد الردود 0
بواسطة:
ز0م0ز
التعليم اساس التقدم
لابد من اصلاح منظومة التعليم بدأ من المدرس فيجب وضع شروط لدخول كلية التربية ، لا يدخلها الا من نشأ فى بيئة نظيفة وليس من حصل على مجموع مثل اختيار اعضاء النيابة ، ثم التوسع في انشاء المدارس لكى تسع الطلبة ولو تم نزع ملكية بعض الا اضى للمنفعة العامة وبناء مدارس عليها 0