فى مشهد يلخص ما يهدف له الزعيم عادل إمام فى مسلسله "مأمون وشركاه، وهو التسامح مع الأديان وكيفية التعايش معها، يدخل الطفل "نادر" والده مسلم _يجسده خالد سليم_ ووالدته يهودية، يخاطب جده الزعيم قائلا :"أنا عايز أقولك على حاجة" يرد "مأمون" :"اتفضل يا حبيبى"، يتحدث إليه الطفل :"عندما جلست مع كريستينا _زوجة عمه مسيحية_ قالت لى ربنا بيحبنا بس مايحبناش نؤذى أحد أو نكذب" رد الزعيم :"ده كلام مظبوط"، واستكمل الطفل :"ولما جلست مع الشيخ معتز _ زوج عمته سلفى متطرف_ قال لى نفس الكلام، ولما جلست مع جدتى رحيل _يهودية_ قالت لى نفس الكلام، وطالما هم بيقولوا نفس الكلام مش بيحبوا بعض ليه وكل حد بيحذرنى أجلس مع التانى ليه"، يرد الزعيم :"الكلام اللى بيقولوه كلام ربنا وربنا مش بيغير كلامه البشر هم اللى بيغيروا كلامه ويفسروه على مزاجهم".. هذه الأحداث وردت فى الحلقة 19 من العمل.
ويشهد المسلسل الاجتماعى الكبير، جدلا على الساحة، خصوصا فى الأوساط القبطية، بعد الجمل التى كتبها السيناريست يوسف معاطى ووردت فى المسلسل، منها تشبيه المسيحيين بـ«الكفرة» على لسان أشرف طلبة أمير جماعة الجهاد.
مسلسل "مأمون وشركاه" يشارك فى بطولته خالد سليم وخالد سرحان ومصطفى فهمى ولبلبة وكمال أبو رية وأحمد فؤاد سليم وتامر هجرس وريم مصطفى، شيرين، حمزة العيلى، إنتاج تامر مرسى، تأليف يوسف معاطى وإخراج رامى إمام.
موضوعات متعلقة..
- صفحات قبطية لـ"يوسف معاطى": "اسأل أصدقاءك المسيحيين أنتم مختونون ولا بعيبكم"
تم أضافة تعليقك سوف يظهر بعد المراجعة