خالد صلاح

برعاية سوبر كورة

سوبر كورة

محمد صلاح العزب

بلاش فضايح يا جونى

الأربعاء، 01 يونيو 2016 10:00 ص

مشاركة

اضف تعليقاً واقرأ تعليقات القراء

بلاش فضايح يا جونى


النجم العالمى جونى ديب ضرب مراته النجمة آمبر هيرد، علقة موت، ثم بدأت فضائح كل منهما تظهر للعالم كله، واتهم جونى آمبر بأنها صاحبة ميول مثلية، وأنها كانت متجوزة عليه اتنين صاحباتها، ونشر كل منهما للآخر الغسيل غير المغسول، استهدوا بالله يا جماعة، البيوت أسرار، اتطلقوا فى صمت، إحنا مش ناقصين.

مقال محمد صلاح العزب (1)


حمدلله ع السلامة يا «جندى»


الجنيه الورق يعود إلى الخدمة، بعد 11 سنة إجازة بدون مرتب، وحشتنا يا غالى، أخوك المعدنى بهدلنا معاه، وما سدش فى غيابك، لما تيجى هتتفاجئ، فاكر الدولار يا جندى؟!.. فاكر وقفتك قصاده؟! انسى.. الأخضر حط عليك جامد، حمدلله ع السلامة، وورينا هتعمل إيه.. ربنا معاك.

مقال محمد صلاح العزب (2)


طظ فى التعليم


ينص الدستور على أن تكون ميزانية التعليم العالى والبحث العلمى 4% من إجمالى الدخل العام يعنى 61 مليار جنيه، ولكن الحقيقة تقول إنه تم تخصيص 35 مليار فقط، يعنى الدولة خصمت 26 مليار جنيه من فلوس التعليم العالى والبحث العلمى عشان تسد بنود أخرى، تحب أقولك الفرق ده راح فين؟ ولا بلاش، طظ فى التعليم وطظ فى البحث العلمى.

مقال محمد صلاح العزب (3)

مشاركة

اضف تعليقاً واقرأ تعليقات القراء

التعليقات 2

عدد الردود 0

بواسطة:

ألشعب الاصيل

ميزانية التعليم والبحث العلمى تجدها في الزباله

بدون

عدد الردود 0

بواسطة:

مصراوي

وما زال مسلسل الاسفاف مستمرا

وما زال مسلسل الاسفاف مستمرا

اضف تعليق

تم أضافة تعليقك سوف يظهر بعد المراجعة





لا تفوتك
الرجوع الى أعلى الصفحة