قال مرتضى منصور للاعبى الزمالك : "مش عايز درع دورى ولا كأس عايز أدب و احترام" ، وأضاف رئيس الزمالك : "اللاعب اللى المدير الفنى يغيره ميتكلمش و عيب لما لاعب يقول للجهاز بعد تغييره أنتو بتنفذوا التعليمات من فوق" ، وتابع مرتضى منصور : "لو فى تعليمات من فوق نصكوا مش هيلعب محدش بيدى تعليمات للمدير الفنى أنا معرفش تليفون محمد حلمى أصلاً" .
كما قال رئيس الزمالك موجهاً حديثه للاعبين "مش كل أسبوع هغير المدرب عشانكوا اللاعب اللى شايف نفسه أكبر من الزمالك لو هو راجل يجيب عرض دلوقتى ويمشى واللاعب اللى عايز يختار يلعب أمتى و يغيب أمتى يجيب عرض ويمشى" .
أضاف رئيس الزمالك : "أنا راجل قلبى ميت لا بخاف من جمهور ولا من حد وعندى استعداد أخد أى قرار فى أى وقت دون خوف وأحنا عملنا توليفة من نجوم فى الجهاز الفنى والناس شغالة واللى شايف أنه مش قادر يمشى معانا يقول ويمشى" .
كما أكد مرتضى منصور للاعبين أن الفريق ظهر بمستوى جيد خلال المباراتين الماضيين ، وعاد ليهدد مر أخرى : "هتعملوا مشاكل لو هو عنتر ابن شداد أقسم بالله أعلقه على باب النادى" .
ثم وجه رئيس الزمالك حديثه لمحمد حلمى قائلاً : "أنت المدير الفنى وليك كل الصلاحيات ومعاك الجهاز بتاعك اللاعب المخلص اللى عارف قيمة النادى يتشال فوق الدماغ واللاعب اللى يقصر وعايز يلعب براحته مش عايزينه" .
وقال مرتضى منصور للاعبين مرة أخرى : "عندنا 8 مباريات غاية فى الأهمية والفوز يعنى إضافة 24 نقطة لرصيد الزمالك و سنحافظ على درع الدورى وقتها" .
كما أكد رئيس الزمالك أن محمود جنش حارس مرمى الفريق يظهر بمستوى متميز خلال المباريات و أصبح مستواه لا يقل عن أحمد الشناوى و كذلك كافة اللاعبين الذين حصلوا على فرصة المشاركة مؤخراً مشيداً بمحمد إبراهيم الذى استعاد جزء كبير من مستواه الفنى بعد مشاركته باستمرار .
كما تحدث مرتضى منصور عن تصريحات الهولندى مارتن يول المدير الفنى للنادى الأهلى حول خوضه مباراتى الزمالك و الإسماعيلى وهو نائم على المخدة ، قائلاً : "كل ده وهم الأجانب كلهم وهم والدليل ما حدث أمام وادى دجلة" .
أخبار متعلقة
تعرف على موقف مرتضى منصور من كهربا وصفقة عمر جابر
رئيس الزمالك : اللاعب اللى هيغلط هبيعه بـ 5 جنيه
