أحمد الطيب: شوبير سرق منى إفيه "ولا أحلى ولا أجمل ولا أروع"

أكد المعلق أحمد الطيب، أن الإعلامى أحمد شوبير سرق منه الإفيه الخاص به وهو "ولا أحلى ولا أجمل ولا أروع" قائلاً: "شوبير خد إفيه منى وقال كده لوائل الإبراشى، اللي هو بقول فيه ولا أحلى ولا أجمل ولا أروع.. طب انت بتاخدها ليه، ولا علشان أنت نجم، ولا علشان علقتنا، وأيه البجاحة دى وتطلع كل شوية ترددها".

وأضاف الطيب، خلال تصريحاته لبرنامج "اللعبة الحلوة": "شوبير عارف إنى أقدم منه، وفى سنة 97 لما سجلت مباراة بروسيا دورتموند واليوفى فى نهائى الشامبيونزليج، وكنت مسجلها على شريط علشان تكون من ضمن الحاجات اللى بتدرب عليها، وشوبير خده منى ومرجعهوش واحتفظ بيه، وبدأ ياخد كل الكلمات اللي فيه ويستخدمها.. لكن هو مش حابب التعليق أوى يمكن علشان مافيهوش فلوس كتير، لكن الموضوع كبير أوى".

وعن قرارا اتحاد الإذاعة والتليفزيون بوقف التعامل مع أحمد شوبير مرئيا ومسموعا، نظرا لما بدر منه فى الفترة الأخيرة، وأيضا عدم استضافة المعلق أحمد الطيب على شاشات التليفزيون، قال الطيب: "الحمد لله بدأت تندع.. وشكراً لاتحاد الاذاعة والتليفزيون على هذا القرار من أجل مصلحة البلد".

موضوعات متعلقة..

"شوبير" يعتذر عن "خناقة" أحمد الطيب.. ويؤكد: تعرضت للطعن فى شرفى وعرضى