نجيب ساويرس: ارتفاع الدولار لن يؤثر علينا ويجب عدم الإنزعاج

أكد رجل الأعمال نجيب ساويرس، أن الحالة الإقتصادية فى مصر لم تشهد قرارات ثورية للنهوض بها، قائلاً: "ماشفتش لحد دلوقتى، أى حاجة تقول أن فى قرارات ثورية للقضاء على البيروقراطية، أو لضرب الروتين فى مقتل، وحماية الوزراء لاتخاذ القرارات، أو تغيير فى الأداء، أو تشجيع الشباب، والمشروعات الصغيرة".

أضاف ساويرس، خلال تصريحات هاتفية لبرنامج "القاهرة اليوم" مع الإعلامى عمرو أديب، عبر شاشة "اليوم" :"ما فيش حد بيقعد مع الشباب، أو بيشوف الشركات الصغيرة، والمتوسطة بالفعل، ولا بنديهم أفكار، ولا رؤوس أموال صغيرة يبدءوا بها مشروعاتهم.. مش شايف أى حاجة بتقول أن فى تغيير جذرى هيحصل يقوم الدنيا كلها".

استطرد رجل الأعمال حديثه: "أزمة الدولار هتتحل إزاى؟..والسياحة مش هترجع يبقى على الأقل نرجع الاستثمارات الأجنبية، وبنقعد نسمع عن استثمارات بالمليارات لكنها كلها فى الإعلام، لو الاستثمارات دى دخلت مصر فعلاً هتخش على الدولار تجيبه الأرض..فضلاً على أننى غير مؤيد لأننا فى معركة مع الدولار، ما يطلع أو ينزل مش هيضرنا، لأن البنزين لا بيتاثر ولا رغيف العيش، ولا السكر، ولا الفول، لكن اللي بيتاثر العربية اللي كانت بـ 400 ألف اصبحت بـ 500 ألف جنيه، واللى معاه المبالغ دى مش هيفرق معاه الزيادة دى.. فيجب علينا أن لا ننزعج من أزمة الدولار".

أردف ساويرس: "هو إحنا هنعيش مع لجنة فض المنازعات للأبد؟ ولا المفروض نطلع تشريعات وقوانين تمنع المنازعات، وإلا يبقى احنا اتجوزنا لجنة فض المنازعات للأبد، وكل مستثمر يجيى مصر ناخده على اللجنة أولاً".

موضوعات متعلقة..

ساويرس: نيويورك أظهرت الولاء لدونالد ترامب سواء أعجبنا أم لم يعجبنا