سعد الهلالى:"تخلفنا ولازم نشعر بالخزى لما نقول إننا أصحاب حضارة 7 آلاف سنة"

قال الدكتور سعد الدين الهلالى، أستاذ الفقه المقارن بجامعة الأزهر، مخاطبا من يفتخر أننا "أصحاب 7000 آلاف عام"، بقوله: "لازم وأنت بتقول كده تشعر بالخزى".

وأضاف "الهلالى" فى حوار مع الإعلامى عاصم بكرى،: "عدد المصريين 90 مليون نصهم مش بيشتغل، ولو اشتغلوا هيطلعوا طاقة جبارة هتفيد مصر"، مضيفاً :"عملت إيه حضارة الـ 7 آلاف سنة وجامعة الأزهر، والمصريين حابسين نفسهم فى 10% من مساحة مصر، وغير قادرين على تعمير بقية أراضى مصر، هى العبرة إننا أصحاب أقدم حضارة من غير ما تظهر فى الواقع هذا الحضارة!".

وواصل، قائلاً: "واجب لما أقول صاحب أقدم حضارة أبقى حاسس بالخزى، عندما ننظر لإيطاليا وفرنسا كلها بقت خضراء"، متسائلا: "إيه اللى خلانا متخلفين ومش عارفين نزرع الأرض ونعمرها كهؤلاء؟".