مصطفى كامل لـ"إيمان البحر درويش":"أنا سيدك..وبلحن سماعى علشان صباعى مكسور"

قال الفنان مصطفى كامل أن زميله الفنان إيمان البحر درويش، يعرف السر وراء توقفه عن العزف، ومع ذلك ظل يتحدث فى جميع وسائل الإعلام حول أن نقيب الموسيقيين يجب أن يكون قادراً على العزف على آلة موسيقية.

وأضاف مصطفى كامل، خلال لقائه مع الإعلامية "رغدة شلهوب" ببرنامج "100 سؤال" المذاع على فضائية "الحياة"، "فى سر مش كتير بيعرفوه وكمان هو دايما كان بيهاجمنى بيه، أنا كنت بلعب أورج لحد ما والدى اتوفى فى 96، كسرت زجاج غرفة العناية المركزية فسببت عاهة مستديمة فى إصبعى وبقيت الحن سماعى، ومبحبش الناس تعرف الموضوع ده".

وتابع نقيب الموسيقيين الأسبق، "القصة أنه مش بحب أقول مبرر، بس أحب أقول لإيمان البحر درويش أنا سيدك ومطربين مصر بالنقيب الموجود دلوقتى عارفين أنى صنايعى شاطر، أنت عملت 70 غنوة محدش سمع منهم حاجة.. مش لازم أطلع أقول نقطة ضعفى ودى أول مرة أطلع أدافع عن نفسى".

موضوعات متعلقة...

- بالفيديو.. إيمان البحر لـ"الحياة: "تسلم الأيادى" مسروقة لحنًا وكلمات