بالفيديو..سيارة مودرن لبيع البطاطا بالشيكولاتة.. وشاب:عملنا المشروع من مصروفنا

“المصروف ” بالنسبة للطالب وسيلة لشراء الحلوى لكن بالنسبة لمحمد وأصدقائه الذين يدرسون بمدارس وجامعات مختلفة فرصة لجمع نقود لعمل مشروع صغير بجانب الدراسة ففكروا فى عمل مشروع صغير باسم Bikezone”” وهو عبارة عن عربة صغيرة يباع عليها بطاطا بالشيكولاتة والفواكه ويتحدث محمد عبد القادر أحد المشاركين بالمشروع و البالغ من العمر 19 عاما وطالب بكلية الحقوق عن فكرة المشروع قائلاً:”إحنا لقينا شباب كتير عاملة مشروع زى ده عجبتنا الفكرة ففكرت انا وصحابى نعمل مشروع زيه بحثنا على النت وقرينا عن الفكرة وقررنا نعمل “Bike zone” لبيع البطاطا بالشيكولاتة أو الفواكة والمكسرات من مصروفنا الخاص”.


وأضاف :” إحنا بنشتغل بالليل من الساعة 6 لحد الساعة 12 والصبح بنقف أدام الجامعات ولو فيه امتحانات بنقسم الشفتات ” .
يتحدث محمد عن أمنيته قائلاً:”نفسى المشروع ده يكبر ويكون له فروع كتير ويستمر وحتى بعد التخرج هفضل شغال فيه بالإضافة لشغلى الأساسى زى واحد صاحبى مهندس كمبيوتر ومشارك معانا فى المشروع وشغال فيه بالإضافة لشغله الأساسى “.