محمد بركات مازحا: "نفسى أعرف فائدة حسام عاشور فى الأهلى"

أعرب محمد بركات، نجم الأهلى السابق، عن دهشته من استمرار حسام عاشور لاعب الفريق الحالى، داخل المستطيل الأخضر وعدم اعتزال الساحرة المستديرة حتى الآن..

وقال بركات ضاحكا، خلال تصريحاته لبرنامج "مع شوبير": "الواد حسام عاشور ده مش عارف هيفضل يلعب لحد امتى ابن اللذينة ده.. وبعدين كل الناس اللى بتيجى بتلاعب عاشور ومش عارف ليه؟!، ولو حللنا أداءه هنلاقيه ولا بيطلع يشوط على الجول، ولا بيرفع أوفر من الجنب، ولا بيخش منطقة الجزاء يلعب بدماغه، ولا بيوصل المهاجمين للجول، ولا بيرقص ويخش منطقة الجزاء، ورغم كدة الناس تقولك حسام عاشور الأهم فى النادى الأهلى، ولحد دلوقتى ما اكتشفناش السر، بس هنكتشفه فى يوم من الأيام".