كشف الإعلامى أحمد شوبير، سر نقل مباراة الأهلى والمحلة لاستاد برج العرب بدلاً من إقامتها فى المحلة، مؤكداً أن بعض الجماهير المحلاوية دعت لمجزرة جديدة عبر صفحاتهم بمواقع التواصل الاجتماعى، مستعرضاً بعض ما كُتب على المواقع وأبرزها من شخص يُدعى "وليد صوار" عضو رابطة مشجعى المحلة الذى كتب على صفحته: "يا نكسبوها يا نولعوها.. أتوبيس الأهلى بيعدى أمام مجمع المحاكم استعد جمهور المحلة شير فى الخير..الأهلى هيموت فى المحلة يوم الخميس".
وتساءل شوبير: "ليه وليد ده قاعد فى بيته لحد دلوقتى؟! مبيتحققش معاه ليه حد يقولى؟ ولا الصفحة فجأة هتبقى مسروقة، ووليد ده كان مرشح لعضوية المجلس المحلى فى المحلة عن أحد الأحزاب.. هنقول دول شوية عيال؟ طيب مايوم ماتش المصرى قولنا شوية عيال".
وأضاف شوبير خلال تقديم برنامجه "مع شوبير": "إزاى الأستاذ ده قاعد فى بيته لحد دلوقتى..وبعدين فى إيه يا بلد، عملين تطبطبو عليهم ليه كده، هما داعش ولا أنصار بيت المقدس ولا جماعة مسلحة؟ أنتو مرعوبين منهم ليه كده؟ هو مين موصى عليهم؟ فى ايه مخوفكم؟ 25 يناير خلصت وسيبين الإعلاميين يهرتلوا ويولعوا فى البلد ليه؟..أنا واحد من الناس أتوقفت سنة لما أتكلمت كلمة حق ومع ذلك خلاص قولنا زمن وخلص".
وتابع شوبير: "واحد طالع يقول هدوا ملعب بورسعيد علشان نفسية الأهلاوية.. نفسية أيه يا أخى، وايه الانبطاح ده؟ دولة بالكامل مش عارفة تلعب مباراة بين الأهلى والمصرى؟ ينهار أسود..هو ايه الضعف ده".
واستطرد الإعلامى شوبير، أنه على مسئوليته الشخصية مباراة الأهلى والمصرى لن تقام على استاد برج العرب أو استاد أسوان، وسيتم نقلها لمكان آخر.
وأكد شوبير أن إدارة الأهلى تستحق التحية على موافقتها على نقل مباراتهم أمام المحلة قبل موعد اللقاء بـ24 ساعة فقط، وبعد أن تحركت حافلتهم متجهة إلى المحلة.
