خالد صلاح

برعاية سوبر كورة

سوبر كورة

محمد صلاح العزب

المتحدث الرسمى.. أخرس

الجمعة، 09 ديسمبر 2016 11:00 ص

مشاركة

اضف تعليقاً واقرأ تعليقات القراء

المتحدث الرسمى.. أخرس
 

لمدة 3 شهور، تم إيقاف المتحدث الرسمى لوزارة الصحة عن الكلام وعن العمل فى وظيفته، بسبب التحقيق فى البلاغات المقدمة ضده، بالتزوير فى جداول حضور وانصراف الموظفين ومجاملة مديرة مكتبه، الكلام ده بيحصل فى نفس وقت التحقيق مع العصابة الدولية لتجارة الأعضاء من كبار أطباء وأساتذة الطب فى مصر، وأثناء قضاء مستشار وزير الصحة عقوبة الحبس فى تلبسه بتقاضى رشوة 4.5 مليون جنيه من شركة مستلزمات طبية.. فاهمنى؟! يعنى ده الواحد لو راح اتعالج فى المدبح، أكيد المصايب مش هتوصل للدرجادى.

 

مفيش صاحب بيتصاحب
 

«ضربت الودع.. ملقيتش صاحب جدع»، حِكَم مؤخرات التكاتك لم تأت من فراغ، ومثل كل شىء فى مصر، حتى «الصحوبية» أصبحت مضروبة، تخيل يا أخى، اتنين إخوات اتخانقوا مع صاحبهم على «بنت» فعملوا له كمين فى شقتهم، وقلعوه هدومه ولبسوه بدلة رقص، وصوروه فيديو، آدى آخرة الشباب، انقسموا إلى 3 فرق: فريق يعيش تحت وهم «طالب ثانوى يخترع»، وفريق يعيش ليلبس بعضه بدل رقص، وفريق يتفرج على الفريقين ونفسه البلد تبقى أحسن، وأدينا مستنيين.


مشاركة

اضف تعليقاً واقرأ تعليقات القراء

لا توجد تعليقات على الخبر
اضف تعليق

تم أضافة تعليقك سوف يظهر بعد المراجعة





الرجوع الى أعلى الصفحة