قال محمد فرج عامر، رئيس لجنة الشباب والرياضة بالبرلمان، تعليقًا عن تدوينته بـ"فيس بوك" حول شركة هاينز: "مش بدافع عن هاينز أو غيرها، ومن الصعب جدًا أن الشركات الكبرى يوجد بها ما تم بثه من فيديوهات ولكنه أمر وارد".
وأضاف عامر فى تصريح لـ"اليوم السابع، أن الفيديوهات التى يتم تداولها عبر وسائل التواصل مفبركة، وهدفها النيل من الصناعة المصرية خاصة إن كبرى الشركات يوجد لديها كفاءات عالية جدًا وإدارة جودة عالمية على مستوى عالى، وخير دليل على ذلك تصدير منتجاتها إلى العديد من دول العالم.
وتابع قائلاً: "الجميع يعى جيدًا معنى كلمة تصدير منتج لما يمر به من مراحل متابعة ومراقبة ومطابقته للمواصفات العالمية"، لافتا إلى أن بعض الأشخاص يصورون فيديوهات فى غرف المرتجعات وبثها على أنها حقائق، وهذا أمر عارٍ تمامًا من الصحة.
وأشار رئيس لجنة الشباب والرياضة بالبرلمان، إلى أنه من الصعب جدًا أن يشترك جميع العاملين فى إحدى الشركات فى الغش التجارى، خاصة أنها تضم عمالة تفوق الـ 1000 شخص، ومن الصعب جدًا أو المستحيل أن يتفقوًا جميعًا على الغش والفساد، ولا توجد شركة كبيرة تسمح لنفسها بتقديم منتج فاسد.
واستطرد "عامر" قائلاً: "هذه الشركات ليست فى حاجة إلى شراء منتجات فاسدة، لأنها تبيع بالسعر الذى تحدده، وإنما ما يتم بثه من فيديوهات، يؤكد أن هناك حرب شرسة على الصناعة المصرية يقودها من يقتل ابنائنا فى سيناء ويهاجم القضاة وغيرهم بهدف تقويض الدولة المصرية".
يذكر أن فرج عامر كتب عبر صفحته الشخصية، على فيس بوك: "الفيديوهات التى يتم بثها عن كبريات مصانع الغذاء المصرية مضروبة ومفبركة، وجزء من حرب شرسة ضد الصناعة المصرية المصدرة للغذاء".
وتابع: "جميع المصانع الكبرى بها إدارات جودة ومراجعة وتفتيش على مستوى عالمى، وبها أماكن للمرتجعات والإعدامات.. الحرب الإرهابية مش فى سيناء فقط".
.jpg)
عدد الردود 0
بواسطة:
إبراهيم شحاته
مصانع الأغذية الفاسدة
نرجو من الاخ فرج عامر أن يثبت عكس ما رأيناه باعيننا فى قنوات تلفزيونية مصرية ووطنية 100% وليس الدفاع عن مثل هذه المصانع بالباطل كل ما رأيناه كان بالصور الحية المباشرة من المصنع فكيف يكون ذلك مفبرك ومن أماكن اخرى
عدد الردود 0
بواسطة:
موسى محمد
فرجللو
الاستاذ فرج عامر عندة مصانع سلع غذائية . من مصلحتة ان انتاجة يتباع بعد اللى حصل من هاينز وهى شركة امريكية عالمية لما دة يكون مستوى انتاجها فاسد يبقى المستهلكين هيضربو عن السلع المحفوظة جميعا خوفا على صحتهم دة هياثر على مصانع فرج باشا وانتاجة مش هيتباع . ثانيا فرج باشا عرف منين ان التصوير مفبرك . ثالثا عرف ازاى ان التصوير كان فى قسم المرتجعات . هل سيادتة على صداقة مثلا بمدير هاينز فبيدافع عنة لو الامر كدة يبقى شريك فى الجريمة . اخيرا انا اعرف واحد بيشتغل بهاينو كان زمان بيقولى ان فية انتاج مخصوص للسوق المصرى وانتاج اخر خاص للتصدير وفى اكتر من منج لهاينز بخلاف الصلصة فية تونة وخل وبعض المنتجات مش فاكرها بس كلة كان للتصدير
عدد الردود 0
بواسطة:
طارق
فرجلوا
لماذا لم تنجح منتجاتك بالكويت من يتقي الله يجعل لة مخرج ويرزقة من حيث لايحتسب. مش كدا بردة .
عدد الردود 0
بواسطة:
رد علي 2
رد علي 2
الطبيعي ان لما شركة هاينز تقفل شركة فج عامر تستفيد لانهما متنافسان في نفس السوق و ليس العكس ،،ومحدش يقدر يمتنع عن الاطعمة المحفوظة في سوق يستوعب مئات الشركات و تعداده 92مليون نسمة ،،انما الغرض هو فتح السوق للاغذية المستوردة من تركيا واسرائيل وان تصبح بلا منافس ،،و حكاية ان ازاي فرج عامر عارف ان التصوير تم بعضا منه في قسم المرتجعات يعني ببساطة مش لازم تدخل بيت واحد علشان تعرف انه متصور في المطبخ وللا في الصالة كل المصانع بها تشابه في التصميم وياريت نسكت شوية لحد النيابة ماتخلص تحقيقات وبلاش نبقي ماشين في القطيع
عدد الردود 0
بواسطة:
Maher
فتوى
ياسيد فرج بلاش تفتى الارقام بتتكلم عن 80 طن فاسد ومعليات غير صالحه بمئات الاطنان فالمرتجه ليس بهذا الحجم لشركه فى مستوى هاينز لأن حصتها السوقيه عاليه ثم ان المرتجع يجب اعدامه فى فتره محدده لا تتعدى 6 اشهر اتمنى ان تنتظر تقارير النيابه قبل ان تدلو بدلوك وخاصه انك ابن المهنه وشهادتك مجروحه
عدد الردود 0
بواسطة:
مين يشهد للعروسة
فرجللو فرجللو
ومين غيرك يعرف المضروب والمغشوش ، ومين يشهد للعروسة ، أسألك سؤال أمام الله ، هل بتشرب العصير اللي بتنتجه شركتك؟ ، هل تقدر تاكل منتجات اللحوم المصنعة بتاعة شركتك ؟ أى إنسان عاقل طبعا مستحيل يرضى يشرب مية بسكر مخلوطة بمواد كيميائية وتباع على أنها عصير طبيعي 100 في المية أو ياكل أمعاء حيوانات مفرومة على إنها لحوم طازجة مية في المية
عدد الردود 0
بواسطة:
موسى محمد
رد على رقم اربعة
يا استاذ يا محترم لفظ قطيع دة اهانة بس هسامحك علية اكيد مكنتش تقصدة . ثانيا انا مبمشيش ورة راى حد . ثالثا لما بتكلم عن حاجة واقول راييى ببقى مقتنع تماما من اللى بقولة . رابعا بقى والاهم احنا فى مصر بلد تسير وراء الاشاعة لما يتعلن عن منتج فاسد مبمنشيش ورة منتج تانى بيتم الاقلاع عن كل المنتجات المشابهة خاصة واحنا عارفيين اننا فى بلد مفيش فيها حقوق للمستهلكين ولا احترام لمنظمات الصحة ولو حضرتك بتعرف حد شغال فى مصانع اغذية محفوظة اسالة وهو يقلك ويعرفك طبيعة السلع المحفوظة دى اية وضعها بالظبط .. خامسا بقى الفيديوهات اللى انتشرت بتاكد ان الطماطم كانت بتتغسل يعنى ببساطة دة خط انتاج اول مراحل التصنيع .. سادسا مكنش فية حاجة تظهر ان دة اماكن مرتجع ولا حاجة لو هنشكك يبقى الحاجة الوحيدة اللى نشكك فيها اننا ممكن نقول ان المكان دة ميخصش هاينز وممكن اى مكان تانى . ثامنا النيابة اللى اصدرت قرارات بالتحفظ والقبض على مدير المصنع والنيابة فى مصر اخر حاجة بتتحرك بعد الدنيا ما بتولع وتخرب بعد تحقيقات .عاشرا خلينا نقول كلامك مظبوط وعايزين يدخلو منتج اجنبى ما انت عندك فرجللو دة منافس وخلينى هعمل اعمى واقول ندخل منتجات اسرائيلية هنا بقا اقنعنى هندخل منتجات تركية ! فى ظل الخلاف بينا وبين تركيا واخيرا لازم المصنع يدخل عشان تعرف اية اللى جواة والمصانع تتشابة فى خطوط الانتاج بس مبتتشابهش فى الحوائط والارضيات بالدليل ان فية مصنع بتاع السادات اللى اتصور فية تقريبا من اسبوعين كان مختلف تماما عن المصنع اللى موجود بالفيديوهات وبعدين فرجللو لية قال ان الفيديوهات مفبركة لية مستناش نتيجة تحقيقات النيابة زى ما حضرتك بتقول واحب اكد لحضرتك ان الشعب هيقاطع المنتجات المحفوظة تماما
عدد الردود 0
بواسطة:
مصطفى الخولي
احنا مش اقتصاد صلصه
يافرج بيه المفروض انك رجل مستثمر وصاحب شركات ومنتجات كثيره وتعرف ان الشركات ذات المنتجات المشهوره انتاجهم كتير ومفيش بضاعه بتفضل فى المخازن فتره كبيره وبعدين احنا بنتكلم فى اكتر من 80 طن طماطم فاسده مش مرتجعات واعدام واماكن المرتجعات معروفه واماكن الاعدام معروفه مش اى مكان وخلاص وبعدين اللي انت بتقول عليهم بيحاربو الصناعه المصريه مش هيحاربو مصنع صلصه يعني ولا احنا اقتصادنا قائم على الصلصه؟؟؟؟؟!!!!! واحنا لازم نواجه الحقيقه ان الفساد بقي موجود فى كل مكان والشركات والمصانع تعدت حدودها فعلا وهمهم الرئيسي المكسب بس فمتقوليش جوده ورقابه وكلام فاضي من دا
عدد الردود 0
بواسطة:
ك
الدور
الدور جاي عليك
عدد الردود 0
بواسطة:
محمد فودة
فساد الضمائر
لكى اللة يامصر