يحتفل العالم باليوم العالمى لمناهضة العنف ضد المرأة برعاية الأمم المتحدة، خلال الفترة من 25 نوفمبر الجارى حتى 10 ديسمبر المقبل، حيث تحتفل دول العالم بالحملة العالمية لمناهضة العنف ضد المرأة، وتشارك جامعة القاهرة باليوم العالمى لمناهضة العنف ضد المرأة، بعدد من الفعاليات.
كاميرا "فيديو7" -قناة اليوم السابع المصورة- استطلعت ردود الطالبات حول طرق وأساليب التحرش بهن داخل الجامعات، وجاءت الردود صادمة.
فى البداية تقول نهى عادلى: "التحرش دلوقتى عينى عينك فى الجامعة، والشباب بيتحرش بالأيد جوه المحاضرات"، فيما تقول سها ماجد: "الشباب بيتحرش بالأيد جوه المحاضرات والكلام كتر".
وتضيف سلوى خطاب: "أكتر تحرش موجود فى الجامعة هو التحرش اللفظى فى كل مكان"، فيما تقول بسنت أحمد: "من ساعة ما جيت الجامعة بصراحة مشوفتش تحرش".
عدد الردود 0
بواسطة:
egyptfirst
نأمل ان نجعل جامعة للبنات وجامعة للبنين أو مدرج للبنات ومدرج للبنين حتى لانجني على اولادنا
وكما قال الشعراوي رحمه الله هو العلم ماينفعش اللي لما يكون الولد جنب البنت يعني الزيت جنب النار والان ياساده في الريف معظم الشباب يتزوج مبكرا قبل ان تدخل البنت الجامعة لهذا السبب فلاتجنوا على بناتنا رحمكم الله يعني مالمانع ان تكون مثلا جامعة القاهرة للبنين وجامعة عين شمس العكس للبنات مثلا او العكس المهم كما نعمل في الثانوي نعمل في الجامعة والاستعمار ضيع البلاد العربية بأسم التقدم والخوف من الرجعيه ونسوا ان الخالق العالم بأمور خلقه هو من شرع الصحيح ولعلنا الان نعلم ان كل ماجاءنا من تقاليد الغرب الاباحيه خراب فلنأخذ علمهم ونترك لهم عكهم وبعدهم عن الدين
عدد الردود 0
بواسطة:
محمد
بيمسكوا ايداكم في المحاضرات بسبب اللي بيشفوه منكم برة المحاضرات
الفيس و ما ادراك ما الفيس .. العرفي و ما ادراك ما العرفي .. و كله شمال
عدد الردود 0
بواسطة:
احمدعبدالمقصود
الحل لهذه الظاهرة هو ؟؟؟؟؟؟ أتمني من ادارة الموقع عرض وجهة النظر
تكون أيام الدراسه 3 أيام بنين ، 3أيام بنات ويبدأ اليوم الدراسي من العاشره صباحا حتي الرابعه أو الخامسه وبذلك تنتهي ظاهرة التحرش داخل الجامعه ، وأيضا من وسائل المواصلات ، وتحد من أزمة الزحمه لأن الساعه العاشره سيكون كل الموظفين في عملهم والمواصلات متاحه أفضل من زحمة الصباح موظفين وطلبة مدارس وجامعات وغيرهم ، فتوزيع الوقت يحل أزمه كبيره في المواصلات ، وايام خاصه للأولاد وأيام للبنات يحل موضوع التحرش ويقلل من زحمة المواصلات
عدد الردود 0
بواسطة:
ايمان
هل مفيش تحرش امام مدارس البنات، او فى محطات المترو؟!
اللى بيقولوا الحل هو فصل البنات عن البنين فى الجامعات و المواصلات طب مهو دا اللى حاصل فى المدارس و المترو هل مفيش تحرش امام مدارس البنات، او فى محطات المترو؟! هل مفيش تحرش فى السعوديه و ايران و افغانستان، كفى مبررات فارغه من الذكور للذكور، ربوا الولد و البنت على العيب و الحرام بدل ما تقمعوا البنت و تطلقوا الولد عليها لابتزازها و ابتزاز اسرتها عشان يلزموها بزى معين و ابتزاز الدوله عشان تطبق اجراءات متخلفه لا وجود لها فى اى دوله مدنيه حديثه