فى ظل الأزمة الاقتصادية.. يحارب صاحب مطعم فول وطعمية بمنطقة أرض اللواء، الغلاء ويقدم لطلاب المدارس سندوتشات بأسعار زهيدة، ويرفع شعار "أى سندوتش بجنيه للمدارس".
قال سيد سامى، وهو صاحب مطعم فول وطعمية بمنطقة أرض اللواء بالمهندسين، "أنا عامل السندوتش بجنيه، عشان الأطفال بتاعت المدارس، وأن السندوتش مش بخسارة، هو يادوب بيلم التكلفة بتاعته، وأنا بعتبرهم زى عيالى الحمد لله، وزى ما أنت شايف كده كلهم عيالى، ولو حد غريب هيجى ياخد بالعشرين ساندوتش، لكن الطالب بيجى ياخد ساندوتش أو ساندوتشين".
وأضاف سيد سامى: "العيل بياخد مصروف كام عشان أديله ساندوتش بجنيه ونص، فلما العيل بياخد سندوتشين الواحد بجنيه ونص هتفضاله كام من الخمسة جنيه مثلا اللى بياخدها، فأنا بضطر اعمله السندوتش بجنيه عشان يتفضل معاه مصروف".
وقال عبدالله - أحد طلاب المدارس - إنه يأتى يوميا لشراء سندوتشاته من عم سيد، لأنه أرخص وأنضف من المحلات الأخرى و"على قد مصروفى".
فيما قال عمر أحد طلاب المدارس، "أنا باجى كل يوم اشترى من هنا عشان الأكل هنا أرخص وطعمه جميل جدا".
عدد الردود 0
بواسطة:
مصر
بارك الله لك
فعلا *فيها حاجة حلوة*
عدد الردود 0
بواسطة:
منين نجيب الصبر
عشت يا أصيل ويارب يديم علسك وعلى أسرتك النعمة والصحة والعاقية والسعادة --بارك اللة فيما رزق
أنت مثال رائع للنضامن والتأخى والجدعنة كمان ولن يذهب عملك هباء كلة فى ميزان حسناتك--أستمر فالمولى سيمدك بيد عونة--أن اللة لا يضيع أجر من أحسن عملا --أنت فخرا لكل المصريين المقدرين لمدى أسهامك فى مساعدة من يحتاج للمساعدة--تحية تقدير وأحترام أقدمها لك ولمن يعمل معك وكل عام وأنت وأسرتك بخير وأن شاء اللة العام القادم يكون عاما سعيدا عليكم --والشهامة والرجولة طبع كل المصريين
عدد الردود 0
بواسطة:
عمل الخير
حديث
جاء فى معنى الحديث انه صلى الله عليه وسلم قال "الخير فى وفى امتى الى يوم الدين" ربنا يجعله فى ميزان حسناتك وتكون قدوه للجشع المستشرى فى التجار ورفع الاسعار / ومن 90 مليون مصرى بنقولك .. شكرا
عدد الردود 0
بواسطة:
محمد
بارك الله فيك
بارك الله فيك واكثر من امثالك وبارك فى او?دك ومالك وصحتك
عدد الردود 0
بواسطة:
محمد السويسى
هى دى الصدقة الخفية
اخيرا لقينا واحد بيراعى و بيحس بالناس ....ربنا يكتر من امثاله و يبارك له فى رزقه
عدد الردود 0
بواسطة:
وليد اسماعيل
عمار يا ام الدنيا
لو كل واحد فكر يحلها ازاى عمر ما فى ازمه تهز المصريين كل واحد يحط نفسه مكان ال ادامه ويفكر مكانه هتتحل كل المشاكل
عدد الردود 0
بواسطة:
السيد عبد الكريم أحمد
طِيبة أهل مصر
أكثر الله من أمثاله
عدد الردود 0
بواسطة:
عباس ابو نقطين
ياريت رجال الاعمال يتعلموا
اللي عندهم فلوس متلتله في بنوك برا ياريت يتعلموا من مصري غلبان زي ده بيضحى بقوت بومه عشان خاطر مصر
عدد الردود 0
بواسطة:
المصرى
ابن بلد بجد
جزاك الله خيرا ...افهمو ها بقى.؟؟؟!!!
عدد الردود 0
بواسطة:
عمرو درويش
عمار يا مصر
بارك الله فيك وفي اولادك واهلك ومالك اللهم يكتر من امثالك ويصلح حال البلد ويحنن قلب المصريين علي بعض