الشاعر طارق سعيد
مشاركة
كل ليلة
ينام على سريري
حلم
تنبش عينه
تفاصيل وشى
كراكيب
من أيام ما كان
الشجر إسود
والضل أبيض
أيام ما كان فى خلق
بيوتهم من إزاز
وقلوبهم من إزاز
ودموعهم من إزاز
كل ليلة
ينام على سريرى
حلم فاكرني
هاحققه
تانى يوم الصبح
بعد فنجان القهوة
وتلت سجاير
ع الريق
2
كل ليلة
يعلمنى قواعد الطيران
ويطير زى المجنون
فى الأوضه
أمشيله ع الحيطه
واعلمه قواعد ضد الجاذبية
كل ليله
أسد الحوض
وارمى راسى فى الميه
م الملل
وساعات بقول
يمكن المرة دى يغرق
كل ليلة
هو هو
وأنا
قررت انتحر
مشاركة
الموضوعات المتعلقة
تم أضافة تعليقك سوف يظهر بعد المراجعة