أدلى المتهم بقتل طفلته الرضيعة بمدينة بنها بسبب عدم قدرته على تحمل مصاريف المنزل وطلبات زوجته المستمرة، باعترافات تفصيلية حول ارتكابه الجريمة فى تحقيقات النيابة العامة التى أجراها المستشار حسن والى رئيس نيابة مركز بنها.
وقال المتهم "عبده ف ع " 30 سنة نقاش فى التحقيقات أنه كان متزوج من قبل وانفصل عن زوجته بسبب مشاكل عائلية وبعد فترة تزوج مرة أخرى وظلت زوجته الجديدة تطلب منه طلبات ليست فى استطاعته تنفيذها ودبت بينهما خلافات عديدة.
وأضاف المتهم فى اعترافاته، أنه كان يعمل نقاش لكن خلال الفترة الماضية أصبح الشغل قليل ولم يعد يستطيع تلبية طلبات زوجته المستمرة فى ظل غلاء الأسعار وأصيب بحالة اكتئاب ويوم الواقعة حدثت بينه وزوجته مشاجرات وكان يحمل طفلته الرضيعة "أشرقت" عمرها شهرين وفوجئ بزوجته تعايره بفقره وتطلب منه طلبات للمنزل ولم يتمالك أعصابه فأمسك بطفلته وهشم رأسها فى الحائط حتى لقيت مصرعها، قائلا " منها لله مراتى هى السبب"
وأكد الأب المتهم فى تحقيقات النيابة أنه جلس بجوار جثة ابنته حتى وجد رجال المباحث يقبضون عليه واعترف لهم بالجريمة.
وتحرر محضر بالواقعة حمل رقم 33 أحوال لسنة 2016 وبعرضه على النيابة العامة واعترف الأب المتهم فى تحقيقات النيابة بقتل ابنته فأمر المستشار حسن والى رئيس نيابة مركز بنها بحبسه أربعة أيام على ذمة التحقيق ووجه له تهمة القتل العمد مع سبق الإصرار بإشراف المستشار أحمد عبد الله المحامى العام الأول لنيابات شمال القليوبية وجدد قاضى المعارضات حبسه 15 يوما تمهيدا لإحالته للمحاكمة.
.jpg "الأب المتهم بقتل طفلته الرضيعة")
الأب المتهم بقتل طفلته الرضيعة
.jpg "المتهم يعترف للنيابة بجريمة قتل طفلته")
المتهم يعترف للنيابة بجريمة قتل طفلته
.jpg "الأب يعترف بأن زوجته السبب فى قتله طفلته")
الأب يعترف بأن زوجته السبب فى قتله طفلته
عدد الردود 0
بواسطة:
ايمان
خلى نواب الغبره يشوفوا نمازج الآباء اللى عايزين يدوهم حق الحضانه!
دا غير الاب اللى قتل بنته عشان كانت بتعيط و عايزه ترجع لامها المطلقه، خلى نواب الغبره يشوفوا نمازج الآباء اللى عايزين يدوهم حق الحضانه بعد انتزاع الابناء من امهاتهم لمجرد انهن حصن انفسهن و طبقن شرع الله و تزوجن بعد الطلاق، يعنى اب مقدرش يحافظ على بيته و طلق مراته او زهقها عشان تخلعه ثم لو مطلقته اتجوزت علنا بالحلال تنزعوا منها ولادها و تدوهم لاب فى الغالب ظالم فاشل قضى على اسرته ثم تمكنوه من القضاء على اطفاله!
عدد الردود 0
بواسطة:
أحمد علي
?
لو كل واحد قتل عياله عشان مراته نكدية مش حيبقى فيه عيال في البلد خالص، ده مبرر سخيف ومؤلم في نفس الوقت، وأين الصبر والتحمل والعشرة بالمعروف، (ولا تقتلوا أولادكم خشية إملاق نحن نرزقهم وإياكم إن قتلهم كان خطئا كبيرا). والست دي استفادت ايه من النق والالحاح على الراجل المسكين ده في المصاريف؟ الله يرحمنا برحمته.
عدد الردود 0
بواسطة:
ابو يوسف
حسبى الله ونعم الوكيل
حسبى الله ونعم الوكيل فيك انته ومراتك ايه ذنب الطفله البريئه دى علشان مقدرتش على الزوجه تموت البنت ربنا ينتقم منكم
عدد الردود 0
بواسطة:
مسكين الرجل
الاعدام للزوجه
روراء كل مصيبه امراه نكديه
عدد الردود 0
بواسطة:
ايهاب علام
الى رقم 1
نسيتى الام اللى كانت بتشوى رضيعتها فى البوتاجاز ونسيتى الام اللى خنقت بنتها علشان تعرف تعاشر عشيقها ,]وهذا على سبيل الحصر لو عايزه افتكر لك تانى جرائم الامهات فى ابنائها ادخلى على صفحات الحوادث انتى علشان تصدقى يمكن مش نتسمعى يبقى تشوفى فوقى من الوهم اللى انتى فيه الشعب المصرى كله اخلاقه انحدرت والكبير قبل الصغير ومابقاش فى قيم ولا مبادئ ولااخلاق والبعد عن الله هو السبب
عدد الردود 0
بواسطة:
لا والله إيه
طب محنا بنربي عيالنا وعايشين في الفقر ...
يعني ايه ؟؟؟محنا بنربي عيالنا ومستحملين عدم نفقة الاب...مموتتاهمش لييييييه؟؟؟ ومش عيل ولا اتنين لأ بفضل الله 3. قال تعالي (بسم الله الرحمن الرحيم..ولا تقتلوا أولادكم خشية إملاق نحن نرزقكم وإياهم) صدق الله العظيم
عدد الردود 0
بواسطة:
اعتذر
اعتذر عن خطأ بالآيه الكريمه
قال تعالي(ولا تقتلوا أولادكم خشية إملاق نحن نرزقهم وإياكم)
عدد الردود 0
بواسطة:
ايمان
بقالنا 40 سنه مورناش غير شعر الست و دقن الراجل وآدى نتايج الشعب المتدين بطبعه!
راجل زى الشحط بدل ما يشتغل و يتعب عشان يتحمل مسئولياته رايح يتجوز مره و اتنين و يخلف و بعدين يقول مش قادر البى طلبات بيتى، و اكيد رامى كل الاعباء على مراته، عايزها تعمل ايه، تشتغل رقاصه و تصرف عليك، طالما كانت بتعايرك يبقى فيه حاجه تتعاير بيها وهى كسلك و تواكلك و ضعفك اللى طلعته حتى على بنتك اللى جنيت عليها مرتين مره لما خلفتها بفقرك و مره لما قتلتها بغضبك، كام من الرجال و النساء بيتجوزوا و يخلفوا و هم مش مؤهلين لفتح بيت و تحمل مسئولية اطفال، فاما بيتاجروا فيهم او بيرموهم فى الشوارع او يقتلوهم بعنفهم و غباءهم، دا غير الاطفال اللى من علاقات غير شرعيه اللى مصيرهم بيبقى صفيحة الزباله للكلاب تقطع اجسامهم البريئه، بقالنا 40 سنه تحت رحمة جماعات همها شعر الست و دقن الراجل وآدى نتايج الشعب المتدين بطبعه!
عدد الردود 0
بواسطة:
الي الأخت ايمان
Egy
الأخت إيمان جزء من كلامها صح وجزء غير صحيح.....الحكاية مش في الراجل وبس او الست وبس....المشكلة في الاتنين...فيه رجاله عايزة الحرق وفيه نسوان عايزة الشنق....لا يوجد بيت وأسرة بدون تضحيات سواء من الراجل او الست...وللاسف دلوقتي مفيش ثقافة التضحية...كله بيقول انط من المركب وأنفد بجلدي....والنتيجة أطفال محطمين بمستقبل مجهول....لازم ياأخواني نتعلم التضحية والمسؤلية علشان نكمل الطريق...وفي نهاية الطريق ستجد ثمرة لان الله لا يضيع عنده حق...عودوا الي الله ستجدوا ضالتكم
عدد الردود 0
بواسطة:
Salwa
Well done
Well done emaan very well said god bless you ????