بودى جارد لكل طبيب
أنا شخصيا مع تعيين حراسة مشددة على المستشفيات، والأطباء، لأنه من غير المعقول أن نقرأ يوميا حالات اعتداء المواطنين على الأطباء داخل المستشفيات الحكومية، كفاية البهدلة والفقر والإهمال اللى بيعانى منهم نسبة كبيرة من الأطباء، باستثناء الجزارين منهم طبعا، فمنكملهاش كمان بضرب أهالى المرضى ليهم، آخر الحوادث مثلا تكسير أهالى مريض لقسم الاستقبال والطوارئ بمستشفى ببا المركزى فى بنى سويف، لوفاة مريضهم عقب وصوله إلى المستشفى، ارحموا الأطباء الغلابة، مش هنبقى إحنا والوطن عليهم.
«المصريين» شعب «غلابة»
لا يمكن أن تجد أى كوميديا حاليا أقوى من مواطن يتعامل مع أى شىء بالمنطق، ياما دقت على راس الشعب طبول، حتى أصبح شعار المواطن الغلبان «مش فارقة»، لكن دائما تجد مواطنا واخد الأمور على أعصابه، وبيتكلم كإن الأشياء تمشى فى مسارها الطبيعى، مثلا، تصدر هاشتاج رسالة الشعب للبرلمان قائمة الأعلى تداولا على «تويتر»، وتلاقى مواطن كاتب بيقول: «اعلم جيدا إن اللى أنت فيه بسبب انتخاب الشعب لك ودخولك البرلمان، فاعمل لصالح الشعب وإلا الشعب اللى اختارك ممكن يمشيك»، إنت بتكلم مين يا حاج، أقسم بالله انت بتهزر.
عدد الردود 0
بواسطة:
زيكو
كوميديا سوداء
لازم يهزر يا استاذ محمد . اذا كان الطبيب يتقاضىحوالى 100 دولار فى الشهر يسعر البنك و أمناء الشرطه بيسحلوه و الساده أعضاء مجلس الشعب لم يسنوا قانون واحد فى مصلحة الشعب وثل منع الأستثناءات من الحد الأقصى للأجور أو تطبيق الحد الأدنى للأجور فى القطاع الخاص أو الغاء صناديق جحا أو الصناديق الخاصه فى موارد الدوله و الموازنه العامع أو الغار الواسطه فى القضاء و الشرطه . كل ده و مش عايز الشعب يهزر ؟ لو مهزرش بالطريقه دى حيهزر على روحه بعد ما الجنيه أصبح ب نصف جنيه و المهم أن وزجة محافظ البنك المركزى مبسوطه و بلاش نقول يجعله عامر لأن أسم عامر أصبح مرادف لنكسة الجيش فى 1967 و وكسة الجنيه فى 2016 !