التقت كاميرا "فيديو7"، مع والدة الإرهابى محمد حمدى عبدالحميد عبدالغنى، أحد المتهمين فى تفجير الكنيسة البطرسية، يوم الأحد الماضى، والذى أسفر عن عن استشهاد 24 شخصاً وإصابة 49 آخرين.
وقالت والدة محمد حمدى، "ابنى بيشتغل فى حاجات كتير، منها محل الحلاقة بتاعه، اللى حصل والله العظيم بما يرضى الله، فى الفترة الأخيرة مكنش بيتغيب عن البيت خالص، ولا بيبات بره، ولو بات عند عمته مش بيبقى بيات، وماسبش البيت خالص، مينفعش يسيب أمه لوحدها كان على طول معايا".
وأليكم باقى الحوار مع والدة الإرهابى المتهم بحادث تفجير الكنيسة البطرسية.
س. محدش قالك من الجيران أن محمد قاعد مع ناس غريبة مثلا ؟
ج. لا والله أبدا ما حصل
س. طيب وليه فكروا فى محمد ؟
ج. متفهمش، أنا نفسى معرفش والله
س. يعنى هل حد من أصحابه كان ليه فى السكة دى؟ أوحكالك عن حد من أصحابه مثلا؟
ج. لا والله ما حصل أبدا
س. محمد كان بيصلى؟
ج. متقطع، وكنت دائما بقوله "ياواد انت مش هتصلى مش خايف من الموت" يقولى، "حاضر ياماما انتى دايما مأنبانى كده".
س. ابنك بيقول انه كان بيشارك فى مظاهرات؟
ج. محلصش
س. هو كان بيتكلم فى السياسة؟
ج. لا والله ما ليه، وبيحب الأفلام والمسلسلات
س. يعنى ملهوش أصلا فى السياسة؟
ج. عناوين بس
