قال إلهامى عجينة عضو مجلس النواب عن دائرة بلقاس بمحافظة الدقهلية، إنه حاول أن يتوسط لابن أخيه حمدى محمد على عبد اللطيف جاد عجينة، من أجل أن يدخل كلية الشرطة، ولكن أكاديمية الشرطة فى النهاية لم تقبله، لافتًا إلى أنه حاليًا يقضى فترة خدمته بالجيش المصرى.
وأضاف عجينة، فى تصريح لــ"اليوم السابع"، أن التهنئة التى وجهها لأحمد هانى عجينة لقبوله بكلية الشرطة نظرًا لقرابته من بعيد، وهذا الطالب ليس ابن أخيه بل من نفس العائلة التى ينتمى لها عجينة، مشيرًا إلى أن والد أحمد هانى وجده كانا لواءات شرطة، متابعًا: "أنا هنيت أحمد هانى بس لأنه من العيلة إنما والله ما وصيت عليه ولا حاجة، ده أنا لو شفته فى الشارع معرفوش".
وكان عجينة صرح فى إحدى الجلسات بالبرلمان قائلاً: "قاعدين على الفيس يقولوا إن الظلم رجع تانى وأن أبناء مجلس النواب قبلوا بالكلية بالكوسة من غير أى كشوف، وأن الداخلية بتقدم رشاوى للنواب، مع إنى أعلم أن ثلاث أرباع أبناء النواب ممن تقدموا لم يتم قبولهم، قائلاً: "ابن أخى على سبيل المثال لم يقبل، وتدخلت له وأيضًا لم يٌقبل".
عدد الردود 0
بواسطة:
حر
حرامي واهبل
يعني جاهل و متخلف وقلنا ماشي نص البرلمان كده اصلا . لكن كمان فاسد وبيعترف على نفسه انه حاول يتوسط . وطالع زي الاهبل يفضح نفسه. لسان حاله. انا رحت وحاولت ادخل ابن اختي كلية الشرطة مكان واحد تاني يستحق اكتر منه . عشان انا في مجلس الشعب وده يبقى ابن اختي ولازم نمصلح على قفا الناس . فين الاجهزة الرقابية والمحامين الشرفا اللي قارفينا بقواضي ملهاش لازمه من الكلام ده
عدد الردود 0
بواسطة:
عابر سبيل
كوستك مش تقيله يا عجينه
هى خريطة فئوية طبقية مرسومه ومحدد ملامحها وعليها يتم اختيار الطلاب الجدد , مفيش تكافؤ فرص
عدد الردود 0
بواسطة:
.....
.......
عيني في قفاك كدا يا ولا مصلحجية انتوا واهالبكم الله بخرب بيوتكم رئيس البرلمان مخلاش حد كله بيتوسط لهم ما شاء الله عليه شباب قعدة الكرسي حلوة برضه اتوسط لهيثم الحريري عشان يقبض مرتبين في الشهر مع انه لا يذهب الي العمل اتوسط لنائب اسيوط اللي طلع مع معتز الدمرداش في مداخلة تليفونية بعدين اضيف اللي معتز فضحه وقال اللي بيتكلم في التليفون دا مش النائب دا اخوه يخرب بيوتكم دا انتوا حطلعونا من هدومنا
عدد الردود 0
بواسطة:
Fadel
اهو كلام وخلاص
معرفناش ايه اللى حصل فى التحقيق بتاعه !! والا كان كلام زي العادة ?