سيدة تطالب بالخلع من زوجها لإنفاق أمواله على أهله بمدينة نصر

أقامت السيدة  "أ.ع" ٣٥ سنة دعوى خلع أمام محكمة الأسرة بمدينة نصر ضد زوجها "م.م"، تطالب فيها بخلعه لإنفاقه كل أمواله على والديه وأشقائه.

ووقفت السيدة أمام مكتب تسوية النزاعات قائلة:"جوزى أول ما اتجوزته قالى إنه هيخصص مبلغ شهرى لأهله وأنا وافقت وقولت ثوابنا عند ربنا لكن يجى اليوم اللى بقى معاه فلوس كتير وبدل ميدى لمراته اللى وقفت جمبه وقت ضيقته وولاده يروح يصرفهم على أهله ولما اطلب منه يقولى مفيش فلوس الدنيا مزنقة معايا".

وأضافت السيدة فى الدعوى رقم5652 لسنة ٢٠١٦، أنها تزوجته منذ ١٠ سنوات وأنجبت منها ولد وبنت وأنها بحاجة إلى جميع الأموال التى ينفقها على أهله، وأنها وأولاده أولى وإن كفاية يبعت مصروف شهرى لأهله لكن إحنا الأساس".

وتابعت" حتى فى المعاملة بيعامل شقيقته ووالدته أحسن من معاملته ليا، حتى أخته هو اللى جوزها من الألف للياء ورغم كده كنت بسكت".