أكدت الفنانة مى عز الدين، أنها لو شعرت بحب حقيقي تجاه شخص يمكن أن تصارحه هى، موضحة أنها فعلت هذا مرتين خلال حياتها.
وقالت مى فى حوارها مع الإعلامية شريهان أبو الحسن، فى برنامج ست الحسن، المذاع على فضائية ON E: "مبعرفش اشتغل على علاقة عشان أنجحها، عشان أنا بحب أتصرف بطبيعية قوى، والزمن ده مبقاش فيه ده، يعنى لو أنتى حاسة بحاجة مينفعش تقوليها على طول، وأنا مبحبش الحسابات دي خالص، ولو حسيت حاجة بحب أقولها".
وتابعت: "معملش ده فى الإعجاب، لكن فى الحب بعمل كده، وعملت كده مرتين، والرد كان بيبقى متبادل وكل حاجة، لكن المشكلة مبتبقاش هنا خالص، بتبقى بعدين".
وأشارت إلى أنها تحاول التصرف بطبيعتها فى كل شيء فى العلاقة، ولا تحب الحسابات مضيفة: "بتصرف بطبيعتى وبدلق، رغم أنى بطبيعتى باخد وقت فى العلاقة، ومبقدرش أطلع كلمة إلا وأنا حساها".
تم أضافة تعليقك سوف يظهر بعد المراجعة