بعد أيام من الجدل والدعاوى القضائية على النائب إلهامى عجينة، بسبب اقتراحه عمل كشوف عذرية على الطالبات قبل الالتحاق بالجامعة، كشف زميله يسرى المغازى عضو مجلس النواب،عن مشروع قانون جديد سيتقدم به للبرلمان، خاص بإلزام الدولة بتوقيع كشف العذرية على الطالبات فى الجامعات مؤكدا أن هذا الأمر ضرورى للغاية، ولن يتراجع عن هذا المشروع.
وقال المغازى فى تصريح لــ"اليوم السابع"،:" لا أعلم لماذا كل الضجة على النائب إلهامى عجينة، فأنا أؤيد فكرته تماما وهو مظلوم ولا أعلم لماذا كل هذا الهجوم ضده".
تابع عضو مجلس النواب:" سأطالب خلال مقترحى الجديد بتوقيع الكشف الطبى على الفتيات ليس فى الجامعات فقط وإنما فى مدارس الدبلومات أيضا، الجامعات مليانة كل حاجة، تجارة مخدرات ودعارة، ولو شفت لبس الطالبات فى قلب الجامعات ده لبس راقصات، وليس طالبات والمدارس الفنية دى عبء على الدولة وفيها أكتر من كده بكتير فعلشان نحافظ على الدولة وعلى ولادنا وميبقاش فيه عاهرات، يبقى لازم يكون فيه كشف طبى علشان البنت نفسها تبقى عارفة انها ممكن تتعرض للكشف الطبى ده فى يوم من الأيام".
واستطرد المغازى:" أكيد البنت لو اتعرضت لكشف طبى مش هتعمل حاجة غلط لأنها عارفة إنى الكشف هيحرجها قدام أهلها، وأنا شايف الإعلام واخد كلام النائب إلهامى عجينة بصورة غير حقيقية، الجامعات فيها كل حاجة، وأنا عايز فعلا أقدم قانون يؤدى لوجود كشف عذرية بجد".
وزعم المغازى، أن كشف العذرية موجود فى دول أخرى بالعالم، ولن تكون أول سابقة فى مصر فقط، ولهذا يجب أن يكون هناك قانون جديد يلزم الدولة بتوقيع كشف العذرية على البنات".
عدد الردود 0
بواسطة:
حرق دم
يا نهار اسود
هو قال كده فعلا؟ منبقاش شعب محترم لو الاتنين دول فضلوا في المجلس ليوم واحد تاني. لازم إقالة فورا.
عدد الردود 0
بواسطة:
Magda Morgan
نواب التخاريف
هما دول نواب البرلمان علشان كده الدولة ماشيه لتحت بدل ما تمشى لفوق لكى الله يا مصر تحيا مصر
عدد الردود 0
بواسطة:
د. محمد ابو السعود
الحمد لله كل المشاكل خلصت فاضل نحرج البنات قدام اهلها
والله عيب عليكم البلد مليانه مشاكل أهم يااستاذة دى حريه شخصيه طالما لا يوجد قانون يجرم عدم العذرية
عدد الردود 0
بواسطة:
مصراوى
بلديات ..
الاثنين من بلقاس - دقهلية ، لازم يساندوا بعض طبعا ..
عدد الردود 0
بواسطة:
Alaaelsafty
نواب البرلمان
عار علي مصر ان يضم بين جنبات برلمانها امثال هؤلاء النواب لماذا لايتحدثون عن البطالة المنتشرة بين الشباب لماذا لايسعون لاصلاح التعليم الجامعي الذي انتشرت به ظاهرة الدروس الخصوصية والتعليم قبل الجامعي ااذي اصبح موبوءا بكل انواع الفساد
عدد الردود 0
بواسطة:
مصريه
هل وضلنا إلى هذا الحد من التدنى الفكرى
أصابتنى صدمه كبرى من هذه الأفكار المتدنيه الى تسبب الإشمئزاز و القرف من إثنيين إختارهما الشعب و وضع فيهما ثقته ليمثلوه فى البرلمان!!!
عدد الردود 0
بواسطة:
عحيبه وعجينه
لو سلفى قال كدة كان فصل من المجلس قبل انعقاده
حسب كلامكم يعنى مصر مش فيها بنت شريفه بقى نروح نتجوز من برة مصر والى على راسه بطحه يحسس عليها الفن اساء لكل نساء مصر خارح مصر وحاء الدور على النواب يسؤن لزهرات مصر بنات 18 سنه يعنى بتتهموا بنات مصر انهت غير عفيفات كلامكم يثبت ان من بين 100 بنت فيه 99 بنت لايوجد لديها غشاء بكارة دة بحسب انكم فلاسفه وشفتم كل بنات مصر المفروض بكرة مش تدخلو المجلس بقرار سيادى ويكون فصلكم من الشعب مش من المجلس الشعب هو اللى قرر فصلكم مش هننتظر لجنة قيم الاسائه لنساء وبنات مصر والخبر انتشر فى كل العالك اكبر عار على مصر جود نواب مثلكم لو قال هذا نائب سلفى كان يكون تخلف وعودة للجاهليه والتخلف اين الحكماء اين شيخ الازهر من هؤلاء النواب
عدد الردود 0
بواسطة:
عبدالنبى الديب
على كشف عذرية البنات
المفروض الكشف النفسى على أعضاء مجلس النواب قبل دخولهم المجلس كفايه هجس يا من يطلقون عليهم نواب
عدد الردود 0
بواسطة:
حسام
استغفر الله العظيم. .......وكانكم مسلطون علي انفسكم
سبحاااااان الله
عدد الردود 0
بواسطة:
طارق الغروري
اي بلد اللي بيتحدث عنها
مش بلد ايه اللي بتلزم البنات بكشف العذرية الأخ ليدعي ان ده مطبق في بلاد تانية اتحداه انه يقدم كشف بأسماء عدة الدول لها مثل هذا القانون و اذا فشل يتخلع من المجلس