لأ ده أنت تمسك المصروف بقى!
أسمع كلامك أصدقك، أشوف بهرجتك أستعجب، الأستاذ الفاضل أبو بكر الجندى، رئيس الجهاز المركزى للتعبئة العامة والإحصاء، قال إن المواطن يقدر يعيش بـ322 جنيها شهريا، وأكد أنه «مش هيموت» بالملبلغ ده، ولو بعزقنا شوية ورفعنا المبلغ لـ482 جنيها هيكفى المسكن واللبس والمواصلات، جميل جدا والله حضرتك، إحنا أول كل شهر هنجيلك ونديلك المرتب، وأنت قسمه بمعرفتك واصرف ع البيوت بقى.
جرائم التربية والتعليم مستمرة
وزير تربية وتعليم لا يكتب جملة واحدة مستقيمة إملائيا، ووزارته تسير من فشل إلى فشل، بداية من تسريب الامتحانات، وصولا إلى عام دراسى لا توجد به مدرسة ليس بها 100 مشكلة، ومدرسون يعذبون الطلبة ويدوسونهم بأقدامهم، وطلاب يجلسون على الأرض ومدارس تغلق لعدم وجود مدرسين، وكوسة عامة، ومافيا دروس خصوصية، كل هذا ومازال فى وزارته، وتريدون أن تتقدم البلد، يا أخى مستحيل والله.
عدد الردود 0
بواسطة:
الكاتب الصحفى احمد المالح
يا ابو قلب طيب
يا عزيزى لا ادرى ما هذه الطيبة وحسن النية الشديدة التى بها الوزير ابو بكر الجندى يا اما هو ميعرفش الجنيه او عمره ما شافه او عمره ما اشترى حاجة او جاى من كوكب المريخ.ده كلام يفطس من الضحك يعنى 10 جنيه او 15 مع الاسراف هيكفوا اسرة عيش واكل ولبس ودروس ودوا وممكن يتفسحوا بالباقى لا املك الا ان اقول اما ان نتكلم كلمة كويسة او الصمت افضل فى احوال كثيرة. أما بالنسبة للتربية والتعليم فهى تحتاج الى .منظومة كاملة للنجاح والله اعلم