اعتبرت زينب سالم أمين سر لجنة السياحة بمجلس النواب، أن انتخابات الرئاسة الأمريكية سببا من أسباب تأخر عودة السياحة لمصر: "كله بيمد فى الوقت حتى تنتهى الانتخابات الأمريكية.. بيلاعبونا بالوقت عشان يشوفوا مين نفسه طويل.. مش هينتصروا علينا بالحصار الاقتصادى، وميعرفوش إننا ساعت الجد بنكون حاجة تانية خالص".
وحول الدور الذى تلعبه الحكومة الحالية لعودة السياحة، شنت زينب سالم هجوما على الأداء الحكومى فيما يخص هذا الملف: "أتمنى يعملوا خطة فعلية لرجوع السياحة.. كل واحد بيتكلم بس ومش شايفة فعل ومينفعش نكدب على نفسنا.. قعدت مع وزير السياحة وطالبته بخطة لمدة 10 سنوات لتكون أسس لقيام السياحة بطرق جديدة فقال أنا هعمل خطة من ست خطوات كل ست شهور ومشفتش منه حاجة.. المناصب ليست شرفيه، لو بيشتغلوا هنقول عملوا اللى عليهم".
وأضافت أمين سر لجنة السياحة بالبرلمان فى تصريحات خاصة،:" ناس تتبهدل وناس تبقا قاعدة فى مكاتبها.. أهم من التعديل الوزارى يبقا التعديل المكتبى.. المكاتب معششة بفساد.. الوزراء عليهم النزول للشارع مش يعتمدوا على وكيل وزارة بقالة 15 أو 20 سنة.. متسبش حد مدة طويلة فى وسط القلق والفساد اللى احنا فيه، فى أول اجتماع للجنة هطالب أن وزير السياحة يقولى عمل إيه الفترة اللى فاتت لعودة السياحة".
عدد الردود 0
بواسطة:
الاسكندراني
السيده /زينب سالم (امينة) سر البتاع ..حضرتك منذ حادثه ابن اختك البلطجي ومافعلتيه مع الضابط بقسم الشرطه اصبحت فاقده للمصداقيه وكل كلامك اصبح نفخ في الهوا ...بذمتك ودينك انت مش مكسوفه من نفسك ..داري نفسك واسكتي الى انتخابات جديده يعلم الله متى ستتم ...واعتقد ان من اعطوك صوتهم لن يكرروها ثانية .ولا ايه راى حضرتك ....استقيموا يرحمكم الله .
عدد الردود 0
بواسطة:
Ahmed ibrahim
كلام سليم
كلام صح مائة بالمائة محدش راضى يعمل اى حاجة ف السياحة ولا يبذل اى مجهود يا ريت الوزير المحترم يقول فعلا ايه خطته لعودة القطاع الذى يعانى وعلى وشك الافلاس ولازم يقعد مع رجال الاعمال فى قطاع السياحة لان هما دول اللى هيساعدوا ف الخروج من الازمة مش نعمل مجلس اعلى للسياحة فيه 16 وزير ومستشار ومفيش منهم غير واحد فقط من قطاع السياحة !!!!! يا ناس افيقوا وانقذوا القطاع قبل فوات الاوان...ّّ.ّّ
عدد الردود 0
بواسطة:
Shamandy
هي فين الحكومة
هل عندنا حكومة فعلا بإمارة ايه لا فكر ولا حل مشاكل رئيس وزراء ليس لديه اي خبرة لتوجيه وزراء على ما تفرج باستثناء كام وزير معظم الوزراء فشلة ليس لديهم ما يقدمونه كل همهم التمتع بالمنصب قبل ما يزول لا فكر ولا خبرة وكل وزير معاه عدد كبير من العاطلين مما يطلق عليهم مستشارين ليس لديهم اي خبرة لو كان لديهم فكر او خبرة كانو انتشلو ونمو المؤسسات التي كانو يعملون بها قبل ان يصبحوا مستشارين بالكوسة فلوس كثيرة يتقاضونها بدون وجه حق تكلف خزينة الدولة كان يمكن الاستفادة منها فى تنمية المجتمع على سبيل المثال لا الحصر ماذا فعل وزير التعليم منذ مسك الوزارة سوا زيادة الغش والتسرب التعليمي وفشل المنظومة التعليمية كلها وغيرة من امثالة وزير الزراعة وغيرهم ممن يتولون حقائب وزارية اعتقد ان الحل ليس باقالة الحكومة كلها بل بتنفيذ التجربة الكورية باعدام الوزير الفاشل حتى يفكر اي وزير جديد جيدا فيما سيقدم من افكار جيدة لخدمة المجتمع وليس الجاه والمنصب والنهب والمجاملات والمصالح الخاصه لا نريد وزراء رجال الأعمال نريد اساتذة جامعات ذو فكر ومجهود ولا نريد وزراء ممن حصلو على الشهادات بالغش والتدليس والشراء لك الله يا مصر
عدد الردود 0
بواسطة:
مواطن مصري
مصر تحتاج وزاره اقتصاديه حتي تنجح
يعجبني ان الاجانب اصحاب الشركات يجعلون ابنائهم يشتغلون في كل الاقسام حتي يكونون ملمين بكل دقائق العمل في الشركه وعندما يمسك المسئوليه يكون فاهم كل شئ زبهذا لايمكن بعامل ان يضحك عليه بمعني رئيس الوزراء ناجح في وزاره البترول سابقا فيجب وضعه في وزاره البترول لانه عنده خبره فيها . ولكن يجب ان يكون رأس المثلث الهرمي رجل اقتصاد وعنده خبره حتي يدير جلسه الوزراء اقتصاديا ومطلوب الاستعانه بسمير رضوان الان وهو في متناول الحكومه وضعه ومعرفه ماذا سيفعل في وزاره الماليه حتي تمر الازمه