زوجة الشهيد عادل رجائى للنواب: دم شهدائنا فى رقبتكم لولم تعدلوا قوانين الإرهاب

قالت سامية زين العابدين، زوجة العميد عادل رجائى، الذى تعرض لحادث اغتيال آثم أمام منزله، صباح اليوم، السبت، إنه أيقظت زوجها الخامسة فجرا، وصلى صلاة الفجر، وخرج لعمله، وبعد دقيقة ونصف سمعت صوت الرصاص، وشاهدت شخص يجرى ويرتدى ملابس سوداء، وزوجها ملقى على الأرض.

وأضافت خلال لقاء من منزلها ببرنامج "كل يوم"، على فضائية "on E"، مع الإعلامى عمرو أديب، أن زوجها الشهيد كان وجهه كالملاك النائم، وفى وجهه نور، موجهة كلامها للإرهابيين: "فاكرين انكو لما تغتالوا جوزى أو أى ضابط أو عسكرى، هتنالوا مننا؟ والله أبدا".

وتابعت: "أنا مش زعلانة يا مصريين عشان جوزى استشهد عشانا كلنا، اوعوا يا مصريين تبيعوا بلدكم، اوعوا تفتكروا جيشنا فرط فيه، جيشنا هيحط على على كل عسكرى حرس، لكن لازم تعرفوا أن اللى بيحاربوكوا أجهزة استخبارات، أمريكا وإنجلترا وإسرائيل".

واستطردت: "حماس طالعة تشتم وتشمت فى جوزى، الإرهابية اللى حطت إيدها فى إيد الصهاينة، أبدا والله يا عديم الدين".

وطالبت مجلس النواب بوضع تشريعات للأخذ بالثأر للشهداء، لأن القوانين لا تعيد الحقوق: "يا مجلس النواب دم كل شهداء مصر فى رقبتكم.. لو لم تعدلوا القوانين".

واستطردت:"ياللى معندكمش دين اوعوا تفتكروا الشماتة صفة من الإسلام، انتو شوهتوا الإسلام، لكن رب العزة حافظ دينه، انتو خليتوا سفهاء الغرب يقطعوا مصاحفنا ويسبوا رسولنا".

وأردفت: "يا مصريين دافعوا عن بلدنا أوعوا تسيبوها للأمريكان، عاوزين يعملوا مخطط 11/11 داعش صنيعتهم بيطلبوها من العراق عشان يعملوا فوضى فى مصر، وشعبنا وجيشنا وشرطتنا مش هيسمحولهم".