سرد عدد من المواطنين السوريين المتواجدين فى مصر، قصص تجاربهم فى العمل فى مصر، خلال لقائهم ببرنامج "كل يوم"، مع الإعلامى عمرو أديب، على فضائية "on E"، وقال عمر خالد وزان شيف شرقى غربى، إنه لم يشعر عند وصوله مصر بأنه فى بلد غريبة عن عاداتهم وتقاليدهم واندمج بالمجتمع المصرى، مردفاً: "لقيت شغل بعد أسبوع ما جيت مصر، بعد ما ظبطت شقة، وعملت بيزنس، ولقيت شغل عند حد وبكسب ومبسوط".
وفى سياق متصل قال المواطن السورى الدكتور معن محمد شها طبيب أسنان ومدير عيادات دار الشفاء الشامى: إن مصر أم الدنيا الحنينة، والشعب المصرى عاملهم بلطف وأنه شعب طيب وذكى جداً، ويقّدر العمل الصحيح، مستطرداً: "أنا كطبيب أسنان طولت عقبال ما لقيت شغل، قعدت حوالى 20 يوم، البداية كانت صعبة صراحة".
وأضاف :" أول شهر اشتغلت بـ560 جنيهاً، وتانى شهر 1500 جنيه، وتالت شهر 4 آلاف جنيه"، مما أثار تعجب الإعلامى عمرو أديب بقوله :"هينقطونى"
وفى نفس السياق قال المواطن السورى الدكتور بسام الشاعر جراحة عامة وجراحة مناظير، إنه كان يعمل بوزارة التعليم العالى بجامعة دمشق، جراحة عامة وزرع كلى، موضحاً أنه عندما وصل مصر ذهب إلى مدينة الرحاب، وعمل بعد شهر، حصل على ترخيص مؤقت بمستشفى الرحاب.
وأوضح أنه أجرى أول عملية بعد 40 يوم من وصوله مصر، وهى عملية مرارة بالمنظار، لافتاً إلى أن المصريين شعروا بمعاناتهم فساعدوه كثيراً، ويعمل مع أطباء مصريين، مشيراً إلى أن أحد الأطباء المصريين يدعى هانى، قام بمساعدته بمنحه منزل فى مدينة 6 أكتوبر، لمدة ستة أشهر، ورفض الحصول على أجرة، وجصل على أجر رمزى فى النهاية.
عدد الردود 0
بواسطة:
أحمد عبيد
هذه هى مصر
هذه هى مصر وهذا هو الشعب السورى فمصر تحتضن الغرباء من جميع الشعوب والشعب السورى ذكى ومثابر ومجتهد ياريت تنحد وكل منا يكمل نواقص الآخر
عدد الردود 0
بواسطة:
اشرف سلامة
ليس بينهم "خريج توك توك"
يامرحب والف مرحب بشعب - رغم محنته المريرة ، جاء مهاجرا قسريا - بعد هدم بيته فوق رأسه وحرق سيارته ونهب امواله - الى بلد آخر ولكنه أصر على مواصلة الحياة والكد والصبر والمثابرة على كل انواع الأعمال من اجل لقمة العيش ، وقد نجحوا ... ربما بعد سنة او سنتين سنرى ان هؤلاء السوريين (المشهورين فى مصر بالشوام) قد تربعوا على اعلى مستويات الأعمال الإقتصادية - لماذا ؟؟؟ لأن ليس بينهم "خريجين توك توك"
عدد الردود 0
بواسطة:
عجوز مصري مازال يعمل
ياريت الشباب المصري يخجل من نفسه
فوق
عدد الردود 0
بواسطة:
مواطن مصرى
السوريين لهم منى كل التقدير
برافو عليهم دول ناس بتوع شغل عشان محتاج مش زى الشباب بتعنا يقعد على الفيس بوك طول الليل وينام لحد العصر عجبى عليهم ويقولو مصر مفهاش شغل دول شباب فاااااشل اقولها بكل صدق السوريين فى مصر لهم منى كل التقدير احسنتم صنعا وانتم فى بلدكم التانى مصر ام الدنيا
عدد الردود 0
بواسطة:
مصرية
خليهم يعلموا الشباب المصري المكسحيييييين
تشوف الشاب بعد ما يتخرج قاعد في بيتهم او ع القهوة لسة بياخد المصروف من ابوة - عشان مستني الحكومة تشغلة وهو لو بس فكر يشتغل زي السوريين اللي جايين من بلادهم مشردين وبقي عندهم مشروعات ملابس ومطاعم في مصر كلها - كان زمان مصر بقت من افضل الدول بسواعد شبابها
عدد الردود 0
بواسطة:
علاء
رقم 2 عندك حق الشعب السورى لم يلطم او يولول انما عمل بجد
احنا نحمد ربنا ان عندنا وطن دى نعمة احنا مش حاسين بيها .........منك لله يا بتاع التوك توك
عدد الردود 0
بواسطة:
عايدة
الشغل موجود
العمل موجود بس الشباب مش عجبة الشغل علشان المرتبات قليلة بس مش مهم شوية شوية هتزيد احسن من الجلوس علي المقاهي و السيبارات و المنكفة مع الاهل و عايزين الاهل يسرفوا عليهم اشتغلو باي دخل حتي تسرفوا علي نفسكوا
عدد الردود 0
بواسطة:
دكتور محمد جيييم
قصدك المصريين اللى ح ينقطوك. وإنت والله كمان ح تنقطتنا بجليطتك وقلة ذوقك وملافظك !!!
عامل زى الأهبل اللى يقول لك ، بحب ربنا بطريقة فظيعة !!! عالم عبيطة موش عارفة تنتقى كلماتها !!!
عدد الردود 0
بواسطة:
سعد الدين
طيب والجماعه اللى جلسين ليل نهار على القهوه ظروفهم ايه
كلام جميل ومصر ترحب بكل عربى شريف بنسبه للمصرين اللى ليا نهار متوجدين على المقاهي لا شغاله ولا مشغاله ولا حتى واعى ثقافى