خالد صلاح

فاروق الباز للمعترضين على المشروعات القومية: "كل واحد يخرس"

السبت، 15 أكتوبر 2016 11:58 م
فاروق الباز للمعترضين على المشروعات القومية: "كل واحد يخرس" فاروق الباز
كتب أحمد عبد الرحمن
إضافة تعليق

قال العالم المصرى الكبير الدكتور فاروق الباز، إن ممر التنمية لا بد من تنفيذه لأنه المنفذ الوحيد الحقيقى، لزيادة مساحة المعيشة فى مصر، معلقًا على المعترضين على بناء الاقتصاد وإقامة المشروعات القومية، واعتبارها هدرا للأموال قائلاً: "كل واحد يخرس".

وأضاف الباز، خلال لقائه ببرنامج "كل يوم"، على فضائية "on E"، مع الإعلامى عمرو أديب، أن المشروعات القومية لو كانت خاطئة ستظهر أنها خاطئة، موضحًا أن بناء الحكومة مساكن لأهالى العشوائيات "خطأ"، ولا بد أن يبنى أهالى العشوائيات بيوتهم بأنفسهم بعد تسلمهم الأراضى.

وأوضح الباز، أن أولى أولوياتنا الأساسية أن "نؤكل أنفسنا"، لافتًا إلى أن المواطن الأمريكى رغم ارتفاع مستوى المعيشة، قليل ما يعترض على قلة الدخول، ويجتهد لزيادة دخله.

وتابع :"إحنا متعودين إننا نشتكى"،  مردفًا: "متزعلوش من الشباب اللى عاوز يهاجر، واللى عايز يهاجر يهاجر، واللى يمشى يمشى، لأن دا جزء صغير من المصريين، ومتعملوش من دى هوليلة".

 

 


إضافة تعليق




التعليقات 7

عدد الردود 0

بواسطة:

مهندس / صلاح

الصحراء الشرقية والغربية لا تصلح للزراعة

لو هى صالحة للزراعة كان أجدادنا زرعوها من زمان ، ولو الأرض صالحة الآن فيمكن توصيل المياه لها عن طريق مد مواسير أو شق ترعة عموديا على النيل ورفع المياه بمحطات طلمبات والتجربة فى مساحات محدودة وتكاليف قليلة ولو نجحت التجربة يمكن التوسع ،لكن أن نعمل ممر تنمية يكلف مليارات ثم يفشل فمن سيتحمل نتيجة الفشل ، ولنا فى مشروع توشكى عبرة .

عدد الردود 0

بواسطة:

سيد احمد العجبان

بدون

العالم المصرى الكبير الدكتور فاروق الباز،عاوزين نعرف ماذا قدمت انت لمصر ( غير الكلام) لو فيه حاجه نريد ان نعرفها ولا فسيادتك (....... )مفيش حاجه اسمها اخرس يادكتور لازم الحوار علشان اللى مش فاهم يفهم... تقدر تقول اللفظ ده فى امريكا ..

عدد الردود 0

بواسطة:

مهندس/محمد نور

المشاريع الاستراتيجيه مع تأمين الاحتياجات اليوميه

أحب النظره المستقبليه لهذا المشروع الواعد للعالم الخبير فاروق الباز. وأرجو ان يدار تنفيذه بأولويات مدروسه وتمويل وطني ومحاسبه ومتابعه للاستفاده من أخطاء كل مرحلة في المراحل اللاحقة. وليس كهدف قومي نضحي من اجله بأولويات الاحتياجات اليوميه لمعيشه وتطور اطفالنا وشبابنا ونخرس من اجله كل أصوات التنبيه الي الأخطاء.

عدد الردود 0

بواسطة:

Osama Ahmad abd ElMoneim

كفايه ياولاد مصر مصر استحملت كتير

مش معقول وغير مقبول كل مشروع نقعد سنين طويله ولما يتنفذ تكون الفايده منه قلت مش معقول كل جاهل ومتخلف يجادل ونضيع الوقت و كلام العلماء يجب ان نستعين بابناء مصر المخلصين للتطوير في الزراعه والتعليم والصحه كفايه ياولاد مصر مصر استحملت كتير

عدد الردود 0

بواسطة:

حازم

مع احترامي الشديد لعالمنا الجليل - ولكن ((انشر يا ادمن))

(1) الاعتراض ليس على مفهوم المشروعات القومية ولكن على نوعيه المشروعات القومية - يعني مش أي مشروع يقال له مشروع قومي - واي مشروع قومي لابد له من دراسات وافيه وموثقه وليست كما قلت حضرتك "ان المشروعات القومية لو كانت خاطئة ستظهر أنها خاطئة" والا صارت اهدارا للمال العام ومن يتحمل مسئوليتها امام الشعب (2) "متزعلوش من الشباب اللى عاوز يهاجر" تعقيبا لحضرتك هوه ما حدش زعلان ولا في دماغه اصلا وده للاسف لاننا عايشين في دولة لا تقدر قيمة الانسان في حين ان الدول الاخرى تحتضنه وتستفيد منه بشكل او باخر - وبعدين هجرة الناس وخصوصا الشباب دي كارثه في مقاييس الدول المحترمة ولابد وان يحاسب عليها الكبير قبل الصغير بداية من راس الدولة (3) حضرتك قولت في حوارك الرائع "وتابع: "من سنة 1982 لسنة 1995 اتنبح صوتى مع يوسف والى عشان نحفر بير واحد نستكشف فيه مياه ولا لا"." - حضرتك مش شايف ان 13 سنة بتحاول تعمل حاجة لمصر ولا يوجد من يسمع - مش شايف انها غريبة شوية - الم يتسرب الشك اليك ان هناك شيئا ما خطا في هذه المنظومة - الموضوع ليس اعجازا

عدد الردود 0

بواسطة:

فارس

«كل واحد يخرس...»

ما يصحش كده يا دكتور!! ليس هكذا يتحدث العلماء المحترمون.. سيبت إيه للجهلة والسوقة؟؟! ثم أنا لم يمر بى فى حياتى منهجا أو أسلوبا علميا مفاده أن تقييم المشروعات يتم بإعمال نظرية: «المشروعات لو كانت خاطئة ستظهر أنها خاطئة.. واللى عملها غلط "حيتبهدل"» ويا فرحتى انا بقى بـ "بهدلته" بعد خراب بيتى.. أو بواسطة أختها نظرية: "يا طابت، يا اتنين عور".... عيب يا "عالِم"!!!!!! ثم بلاش يادكتور حالة التشنج اللى بتنتابك دى (وتهبط بك لهذا المستوى) كلما جاءت سيرة مشروع الممر بتاعك دا، والذى هو فى تقديرى الشخصى –على الأقل– فنكوش آخر جديد... وأخيرا، وقبل وبعد هذا كله، فإن إساءة الأدب والتطاول على المصريين جميعا، هو أمر غير مسموح به على الإطلاق –– لا لك ولا لغيرك.

عدد الردود 0

بواسطة:

أنور زهران

مشاريع جديدة بدون اي اشتراطات

اسلوب الحديث للعالم الكبير الدكتور فاروق الباز .. هكذا اسلوبة منذ زمن بعيد وهو غير مقصود انه يتحدث بروح الأبوة أو شيخ القرية وهو اسلوب غير مقصود ولكن هي طبيعة الرجل في النزول الى مستوى عامة الشعب أثناء الحديث الحديث ، وهو اسلوب قديم متعارف عليه لكثير من الادباء والشعراء نعلمهم جميعاً .. لقد تغير الشباب ويرغبون الحديث بأسلوب علمي وتجارب علمية قبل التنفيذ للمشاريع . ولو بعمل تجارب على مساحات قليلة واذا نجحت نتوسع بمساحات اكبر . ودعوة للاستثمار في هذه المشروعات سواء بالدولار أو بالجنية للمصريين بالداخل والخارج بدون تحديد شروط او عمر شباب او شيوخ وانا أرى مشروع المليون ونصف فدان ناجح ان شاء الله ولكن بدون وضع شروط مثل اجمع عشرة افراد وتقدم للاستثمار ، الشاب المستثمر جمع الخمسة الاف جنيه لشراء الكراسة منين هيجمع عشرة افراد دائماً نفتح الشباك موارب .. ياجماعة طالما فتحتم المشاريع افتح الباب والشباك والجدار كمان.

اضف تعليق

تم أضافة تعليقك سوف يظهر بعد المراجعة



الرجوع الى أعلى الصفحة