عمرو أديب مهاجماً وزيرة الاستثمار: "زهقت من قليل الحيلة وعاوز حد سوبر"

هاجم الإعلامى عمرو أديب،  داليا خورشيد وزيرة الاستثمار، قائلاً:" قاعدة بتعملى إيه!..مش بشوفلها صورة مع مستثمر.. أنا زهقت من الوزير قليل الحيلة.. أنا عاوز محافظين ووزراء سوبر يقطعوا نفسهم.. البلد بتضيع وإلا هنموت.. أنا عاوز وزير سوبر مان مش موظف وإلا يروح.. عاوزين عباقرة".

وتسائل أديب ببرنامجه "كل يوم" المذاع عبر فضائية "ON E"، عن مصير قانون الاستثمار والمجلس الأعلى للاستثمار، قائلاً :"فين القانون .. الوزيرة لا بترد ولا بتتكلم..بتزعل بس.. وأنت زعلانة كده دورى يا بنتى على قانون الاستثمار والشباك الواحد ..لا عاد فيه شباك ولا عمارة ولا خرم واحد".

وأوضح أن الوزيرة لا تتحدث ولا يوجد ترويج أو طرق أبواب المستثمرين الأجانب للاستثمار فى مصر، مؤكداً:" كان رشيد محمد رشيد كان يفعل هذا".

وفى سياق آخر، قال :" أنا مش قادر أتقبل فضيحة البلد اللى مش قادرة توفر السكر..هذا فشل إدارى وفساد".