خالد صلاح

برعاية سوبر كورة

سوبر كورة

محمد صلاح العزب

وزير النقل.. لا ينقل الركاب

الثلاثاء، 11 أكتوبر 2016 10:00 ص

مشاركة

اضف تعليقاً واقرأ تعليقات القراء

وزير النقل.. لا ينقل الركاب

المحترم الفاضل وزير النقل، صباح الخير، لن أنكد على حضرتك بمسؤوليتك عن مئات القتلى يوميا فى الحوادث، فمن المؤكد أنهم يأتون لسيادتك فى الكوابيس، ولكن ما تفسير سيادتك لتأخر جرارات القطارات المستمر بشكل يؤخر رحلات القطارات بالساعة والاثنين والثلاثة لكل المحافظات، والركاب جالسون فى أماكنهم لا حول لهم ولا قوة ولا حياة لمن تنادى؟.. هل تعرف حضرتك إنك كده بتخسر البلد؟ وبتشحن المواطنين ضد الدولة؟ بص حضرتك، سيبك من الناس اللى بتموت، ومن الفشل فى كل قطاعات الوزارة، وركز شوية مع قطارات إسكندرية على الأقل، اعملها عشان مصر.
 
 

بتحب القراميط مشوية ولا مقلية؟

الأسماك مفيدة جدا صحيا، لهذا يمكنك أن تجدها فى الأسواق، أو فى شادر السمك، وكذلك فى غرف العمليات بالمستشفيات، لهذا لا تتعجب حين تعرف أن لجنة من مديرية الشؤون الصحية، بالدقهلية، تمكنت من ضبط أسماك «قراميط» داخل حوض غسيل الأدوات الجراحية بغرفة العمليات بأحد مستشفيات المحافظة، وأن الأسماك كانت معدة للتنظيف،بجانب العثور على أدوية منتهية الصلاحية تابعة للتأمين الصحى محظور تداولها فى العيادات الخاصة، وعدد من الآلات الجراحية يعلوها الصدأ.. السمك مفيد صحيا، أكثر من وزارة الصحة كلها، على بعضها.

 


مشاركة

اضف تعليقاً واقرأ تعليقات القراء

التعليقات 1

عدد الردود 0

بواسطة:

الناقد أحمد المالح

وزير القراميط

ايه يا استاذ محمد انت سخن كده على طول كله ضرب ضرب مفيش شتيمة.كل التحية لرواد النقدالاجتماعى الساخر استاذنا ومعلمنا صلاح جاهين واحمد رجب واحمد بهجت ومحمد ابو كريشة ومحمد العزبى كل الاساتذة الذين تعلمنا منهم .وينتعلم فنون النقد الاجتماعى فعن نفسى فما زلت تلميذا فى مدرسة النقد الاجتماعى الساخر .اولا بالنسبة للقطاروحوادثة هى نسبة معقولة بالنسبة لكل دول العالم .وبعدين المواصلات كلها عاوز تحديث فيه قطارات لسة ماشية بنطام اللى يحب النبى يزق .ويجب ان يتم التحديث على مستوى عالمى ولماذا لا نستفيد من اليابان او الصين فى هذه التجربة او حتى الهند.مش عيب ..والله الشعب المصرى فى منتهى خفة الدم .وبعدين اهو مشغلين الحانوتية والدكاترة والمستشفيات برضة اما بالنسبة للقراميط يمكن بيفكروا فى مشاريع برضة ..امال بيربوها ليه .مش كده ولا ايه

اضف تعليق

تم أضافة تعليقك سوف يظهر بعد المراجعة





لا تفوتك
الرجوع الى أعلى الصفحة