المدير الفنى لطلائع الجيش:"حمادة إمام هو اللى ربانى وكان بيدينى 5 جنيه مصروف"

قال طارق يحيى المدير الفنى لفريق طلائع الجيش، إن الراحل حمادة إمام كان بمثابة والده ومثله الأعلى، موضحاً أنه كان سبب انضمامه لصفوف القلعة البيضاء، عندما تمسك بانضمامى للزمالك.

وكشف طارق يحيى خلال تصريحاته لبرنامج "كورة كل يوم" مع كريم شحاتة، سر الـ"5 جنيه" التى كان يحصل عليها اسبوعياً من حمادة إمام خلال تواجده فى الزمالك كلاعب، قائلاً: "الكابتن حمادة هو اللى ربانى، أنا كنت باخد منه 5 جنيه كل اسبوع علشان أروح، وكان بيعاملنى زى أبنه، وكنت لسه فى الناشئين وينده على يقولى معاك فلوس تروح، أقوله الحمد لله ياكابتن يقولى طيب خد الخمسة جنيه دى خليها معاك وروح بيها، وأنا كنت لازم أبوس ايده وراسه كل لما اشوفه، لأنه كان بيرعينى وبيعطف على، وعمرى ماهنسى المصروف اللى كان بيدهولى".