مشجعو "الأحمر" يغرّدون فى حب الفريق عبر هاشتاج "غنى للأهلى"

دشن مشجعو النادى الأهلى، هاشتاجًا جديدًا بعنوان "غنى للأهلى" على موقع التواصل الاجتماعى "تويتر" والذى ظهر ضمن قائمة الأكثر تداولاً بالموقع، حاملاً تغريدات الشياطين الحمر فى حب الفريق، مستخدمين أشهر أغانى الألتراس مثل "جمهوره ده حماه" و"11 راجل فى الملعب".

وجاءت أبرز تغريدات مشجعى الأهلى: "جمهوره ده حماه على الحلوة والمرة معاه" و"عمرى ما أحب غير الأهلى ولا فى غيره يفرحنى، دايمًا معاه ولآخر الكون عمرى عشان الأهلى يهون" و"11 راجل فى الملعب أهلاوى، 90 دقيقة على المكسب أهلاوى، اللعب لنادى الوطنية أهلاوى، الفوز ده ليك حاجة عادية".

وغرّد الأهلاوية: "دولة جوه دولة أهلاوية عريقة، أصله ياما فرح شعبه ليلة سعيدة" و"أهلاوى أنا والفخر ليا.. أنا نادى القرن فى القارة هو ناديا، وأعيش وأموت وأفضل عشانه وهو فوق دايما مكانه" و"نوهب ليك الحياة فى الأزمة نكون معاه، الأهلى أعظم كيان عالحرية اتبنى" "عمرى ما أحب غير الأهلى ولا فيه غيره يفرحنى".

ونشر جمهور الأهلى أغانيه فى حب الكيان: "الأهلى ده حياتنا شفنا معاه المعجزات، وتاريخه كله يحكى عن أغلى الانجازات" و"أنا عمرى ما هقدر أنسى أى ذكرى كانت معاه، المحنة آخرها فرحة وبنتعلم الحياة" و"60 مليون معاك وفداك يا أهلى، دايما هنكون معاك نحمى الكيان لو مهما كان" و"ﻭلا ﻋﻀﻮ فى ﺍﺷﺘﺮﺍﻛﻪ فى السنة ﺑﺪﻓﻊ آلاف، ﻭلا لاﻋﺐ ﺟﻮﻩ ﺗﻴﺘﺸﻪ ﻭصورتى على ﺍﻟﻐﻼﻑ، أﻧﺎ ﻭﺍﺣﺪ ﻋﺎﺩى ﺣﺒﻪ ﻇﺎﻫﺮ فى ﺍﻟﻬﺘﺎﻑ" و"أهلاوى أنا والفخر ليا، ده نادى القرن فى القارة هو ناديا" و"ويوم ما أبطل أشجع أكون ميت أكيد" و"قالوا أنت ليه عايش وراه، إيه الحقيقة أنا حبى ليه يكبر يزيد كل دقيقة، وأقف معاه فى أى مكان، رافع شعار نسر الكيان 90 دقيقة".