مرتضى رداً على إصابة الزامبى "مايوكا": "مدفعناش فيه مليم"

أكد مرتضى منصور رئيس نادى الزمالك، أنه لم يسدد أى جزء من قيمة صفقة انضمام الزامبى إيمانويل مايوكا لنادى ميتز الفرنسى، موضحاً أن اللاعب سيصل إلى القاهرة يوم الأربعاء المقبل وسيتم إجراء الكشف الطبى عليه، قبل سداد قيمة الصفقة.

أوضح مرتضى أن نادى ميتز الفرنسى أرسل تقريراً طبياً حديثاً عن حالة المهاجم الزامبى "مايوكا" وجاء فى التقرير سلامة اللاعب من كافة الإصابات.

قال رئيس الزمالك، ساخراً، لبرنامج "اللعبة الحلوة": "الواد طلع عنده بواسير ولا إيه؟!..إحنا خلصنا من الواد بيلعب فى إسرائيل لهبطل السجائر والشيشة..بص إحنا مدفعناش فيه مليم لحد دلوقتى، وهنبعت فلوس إزاى؟ هو إحنا عندنا فلوس!، واللاعب هيجى يوم الأربعاء وهنكشف عليه ونطابق التقرير بتقرير ناديه..لكن عند بواسير بقى ومبيخلفش والكلام ده هنبقى نشوفه".

وكانت بعض المواقع أشارت إلى أن مايوكا مصاب بعدة إصابات مزمنة.