بالفيديو.. نائب التصويت الجماعى لـ"يوسف الحسينى":"كلنا مستجدين وإحنا تحت أمر حضرتك"

قال النائب محمد الشورى صاحب مشهد التصويت الجماعى بمجلس النواب، تعليقاً على تصويته لأكثر من عضو بالمجلس: "أنا مش واخد بالى من الكلام ده أصلا، دا زميل لنا قاعد جنبى بنفس اللجنة، خرج، واحنا بنصوت على الحضور لنبدأ الجلسة، فأنا دوست له على الكارت بتاعه عشان جاى"، مضيفاً: "إحنا مش بنتحاسب على المشهد، إحنا وصلنا لمكان مقدس، كلنا نتمنى الخير لمصر، وكلنا وطنيين".

وأضاف خلال مداخلة هاتفية لبرنامج "السادة المحترمون"، على فضائية "أون تى فى"، مع الإعلامى يوسف الحسينى، أن النائب كان موجوداً و"شنطته وحاجته معايا.. وأدبياً.. لو أن هذا خطا أنا بعتذر للكل، أنا راجل مصرى وراجل وطنى وماحبش أعمل حاجة تضر شعب مصر، وإحنا تحت أمر حضرتك".

وتابع: "أنا معملتش جريمة أُحاسب عليها، مش هى دى اللى إحنا بندور عليها، إحنا نشوف هنعمل إيه فى اللى جاى بكره.. كلنا مستجدين فى المجلس وممكن خطأ غير مقصود".