الاهتمام بنتائج المؤتمر الاقتصادى
ونصح "ساويرس" فى تصريحات صحفية عقب اجتماع حزب المصريين الأحرار بمرشحيه المنعقد اليوم بأحد فنادق القاهرة، المهندس شريف إسماعيل رئيس الوزراء بأن يعطى أولوية كبيرة لكل المستثمرين الذين حضروا المؤتمر الاقتصادى بشرم الشيخ، مضيفا: "لازم يعرف ليه المشاريع بتاعتهم ما كملتش، وده هيستدعى طلب محافظ البنك المركزى ووزير المالية ووزير الكهرباء ووزير البترول ووزير السياحة ورئيس هيئة الرقابة الإدارية".
وفى سؤال عن الحديث عن تزوير الانتخابات، علق "ساويرس" قائلا: "إحنا معانا مرشحين فى دوائر الصعيد لو لقوا حد بيزور هياكلوه أكل"، مضيفا أنه يسعد جدا بالهجوم على الحزب، موضحا: "ده دليل إننا ماشيين صح، وأرجو الناس تركز فى شغلها ويسيبونا فى حالنا".
ساويرس لحزب النور: خليك حزب سياسى بجد
ووجه رجل الأعمال رسالة لحزب النور قائلا: "ابعد عن المسألة الدينية، خليك حزب سياسى بجد، واحترم الدستور، وبطل طريقة هجومك على المصريين الأحرار"، مضيفا فى سؤال عن دور الشباب فى المستقبل: "الشباب اتظلم ومظلوم فى الانتخابات دى والشعب للأسف مبقاش يثق فى الشباب، ومش متخيل انه عنده قدرات إبداعية، وده مش حقيقى".
أما بشأن مطالبات البعض بتولى عدلى منصور أو عمرو موسى رئاسة البرلمان المقبل، أجاب "ساويرس": "لو كان لى حق التصويت فى اختيار عدلى منصور هديله صوتى، عدلى منصور له دور تاريخى مهم وعمرو موسى ليه دور مهم فى لجنة الخمسين، الاتنين مشرفين ومحدش يعترض عليهم".
