"الأغانى الممنوعة للأبنودى" فى كتاب جديد للشاعر محمد العسيرى

صدر مؤخرا كتاب "الأغانى الممنوعة للأبنودى" للشاعر محمد العسيرى الذى يضم أغلب الأغانى التى تم منعها للخال عبد الرحمن الأبنودى منها أغنية "الفلاح" التى اختفت من التلفزيون بعد مظاهرات الطلبة ضد الرئيس الراحل جمال عبد الناصر التى تقول كلماتها "من زمان بندور عنك من زمان..من زمان يا أبو ألف عين يا زين الشبان..الفلاح عايز الحقيقة .. والحقيقية عايزة طريق .. والطريق عايز الأفندى.. والأفندى إيش جابه عندى.. الأفندية سابونا من زمان.. أيوة قول دى حقوقنا ضاعت..من زمان".

كما يضم الكتاب أغنية "السجن" المحذوفة من مسلسل "على الزيبق" بعد أن غناها فاروق الفيشاوى وتقول كلماتها "أتارى السجن واسع وأنت برة.. وأتارى السجن ضيق وأنت جوة.. وأتارى الظلم فى كل المطارح بنفس اللون.. وصوته.. هوة.. هوة.. أنا المحبوس على ذمة بلادى.. عشان اللقمة ترتاح ف الأيادى".

ويجمع الكتاب أغنية "الناياتى" التى كتبها الأبنودى ولم تذاع إلا مرات قليلة وتقول " قول يا شاعر قول..وما تشبعش قول.. قولنا حكاية بهية.. لا نعيمة..لا شفيقة.. لأ يا شاعر قولنا ..كيف الهلالى فر من سجن الزناتى.. قول يا شاعر.. الحقيقة مش هحكى بهية.. ولا شفيقة.. ولا الهلالى ولا الزناتى..أنا هحكى عن واحد ناياتى".