أيمن بهجت قمر.. 14 سنة خدمة فى رابعة معهد سياحة وفنادق

فاجأ الشاعر أيمن بهجت قمر، مرتادى صفحته الشخصية بموقع التواصل الاجتماعى الشهير "فيس بوك" بقيامه اليوم الاثنين، بكتابة بوست جاء فيه :"أنا بعمل إعادة قيد لاستكمال امتحانات السنة الرابعة"، وأضاف أيمن: "النهاردة عملت إعادة قيد عشان أدخل أخلص الـ 3 مواد اللى عندى فى سنة رابعة سياحة واكتشفت أنى دخلت المعهد من 20 سنة، وبقالى 14 سنة فى رابعة، ده رقم قياسى لازم أحطه جنب رقم بشرة خير، أنا راجع طالب يا رجالة وهقعد فى اللجنة و هيدخل مشرف يبرقلى وهنادى على الزميل اللى جنبى اللى من دور ولادى وهقول له بس كابتن السؤال التانى إيه.. طب والله مبسوط".

وعلق عدد كبير من أصدقائه عما كتبه بطريقة تحمل روح المرح وخفة الظل منهم الشاعر هانى عبد الكريم الذى علق : "ربنا معاك أهم حاجة تهدى أعصابك على المراقب لما يقولك.. هتقولى امشى مبمشيش ..دا كلامك يا أيمن" ، فى حين علق المصور عماد قاسم وكتب : "عادى يا أيمن أنا سبت كلية الفنون التطبيقية سنة 1994 وكنت بكالوريوس على مادتين ودخلت امتحانات سنة 2006 يعنى 12 سنة ونجحت وسبت الشهادة مستلمتهاش غير سنة 2012 كل العباقرة كدة ههههه".