نصرالدين محمود سالم يكتب: إحنا ولادك يا بلدى

الأربعاء، 16 سبتمبر 2015 06:05 م

ثورة 25 يناير - صورة أرشيفية

إحنا ولادك انتى يا بلدى
أم وحصن أبية حرة
اوعى تقولى بيخون عهدى
اوعى تشكى ف ابنك مره
إحنا ولادك عايزين عدل
نحس بعدل
دا إحنا ولاد عمر الفاروق
ليه فى ابن بيحتاج حضن
ليه بتسيبى ابنك مخنوق
ليه بيحس بفرق فى حضنك
ليه فى ولادك باصص فوق
وإحنا بنطلب منه حقوق
هنروح فين ونشكى لمين
ما فى غيره هوا معين
هو بينصر مظلومين
وإحنا ولادك

مش عايزين المنصب لينا
ولا عايزين الجاه يحمينا
عايزين مرة تحنى علينا
يوم ما تلاقى الابن بيبكى
كلمه منك دوغرى يروق
عايزين لينا أبسط حقوق