فيسبوك
واتساب
حأكتبلك
غنوة للحنين
والعيون الحنينين
للقلب الطيب
والذكرى
والأنين
لإيدين لمستهم
تحيينى سنين
لشفايف وردى
بيغنوا موال العشق
فى الليل الحزين
يا أحلى حاجة
حصلتلى فى حياتى
يا ماضيا يا عمرى
يا ذكرياتى
يا فرحى وابتساماتى
يا دموعى وآهاتى
يا حكاية ما تنتهيش
مهما مرت السنين
يا حب يتحدى النسيان
يا أحلى كلمة "بحبك"
سمعتها
يا فجر أيامى
يا اللى علمتينى
كل حاجة فى دنيتى
يا اللى عرفتينى
طريقى وسكتى
مشتاق للحظة لقا
مشتاق لكلمة واحدة
يا ترى
حأسمعها منك تانى
ولا زماننا بخيل
صورة أرشيفية
