وإنت خلاص
سايبنى..؟
لما تلاقى
حب أكتر من
حبى..
إستنا شويَة أكتر
فإنت أغلى ما
عندى..!
إوعدنى..؟
,,,,,
وإنت خلاص
سايبنى..
لما تلفَ صابعك
دبلة آخر
غيرى..
مغسولة بفصيلة زى
دمى..
وفيها حرف من
إسمى..
ممكن بيه يوم
تفتكرنى..!
إوعدنى..؟
,,,,,
وإنت خلاص
سايبنى..
صباح كل جمعة
إفتح شباك
كان عليه
عشِى..
وبيغنى لك عصفور
قلبى..
فى حــبى و
عشقى..؟
وقـد إيه كانت
روحى..
هيَا اللى معاك تفــر
منى..!
بين جناحيه مخبيَة
طيرى..
وبتطل عليك من
قشى..
اللى هوه من ضلوعى
ولحمى..!
إوعدنى..؟
,,,,,
وإنت خلاص
سايبنى..؟
وإنت بترتب هدوم
العرسِ..
أرجوك..؟
لاجاكت ولاجيب جينز
تِرمى..؟
ولابدلة سودة لآخر
تِهدى..؟
ولابلوز برتقالى وتوأمه
أبيض فى أزرق..
وجدى..؟
ولاقميص أصفر
اللى لبسه ملاك
حلمى..!
ولاقميص أحمر
اللى كان فى نهرى
يدمى..!ّ
إوعدنى..؟
,,,,,
وإنت خلاص
سايبنى..؟
أرجوك..
هيا مش أثواب
دى كانت فرحة
عمرى..
اللى من فضح
عمرى..!
سترت حرمان
قلبى..!
اللى تغنى فيها أروع
شعرى..
ورمِلت السطور بدهب
حرفى..!
أرجوك..
فى ركن خاص
إحمى تايورى
الجينزى..؟
فهو يزيَن ثوب
كفنى..
وقد استأذنت فيه
ربى..؟
فلايمانع رفقة
قبرى..
بجوارى حتة من
سرى..!
إوعدنى..؟
,,,,,
وإنت خلاص
سايبنى..
وآخر لما يفرق شعرك
اللى ياما عشت
أمسح خصلاته بــ
شفايفى..!
وألعق مَلحه بــ
فمى..!
لما لهونا بموج
حلمى..!
ويقبل جبهتك
فيمسح تسبيحات
دمعى..
ورأسك على
صدرى..!
ولما يده تسجن يدك..
تبكى أناملى
آثار عناقها على شط
ضلى..!
ومىَ عينيك تهمس
لى..
يا حبيبى هـوَه
حقى..
عارف.. وحاسس
حبيبتى..!
بسَ.. بسَ
إوعدنى..؟
إوعدنى..؟
,,,,,
وإنت خلاص
سايبنى..؟
لما تقول لك بنتك
هوَه فيه (حب حقيقى) يا
أمى..؟
زى ما كنت
فى يوم بتقول و
تسألنى..؟
شاور لها على
قبرى..؟
وقولى لها:
الحب مش كلمة..,
ولا إحساس ولا نغمة..,
الحب فى الله
كان عشقاً فى
روحى..!
قولى لها:
الحب مش.. مش
إنتى..!
الحب هوه الدنيا..
هوه الدنيا كلها
لما يكون فيها
إنتى..!
وتكون ( إنتى).. إنتى
حبيبتى..!
ياترى..
تبقى إيه الدنيا..؟
لما تكونى.. أكتر من
حبيبتى..؟
إوعدنى..؟
******
حب - أرشيفية
