نشأت رشدى منصور يكتب من أستراليا: فاكرة يا حبيبتى

"إهداء لروح الشاعر الكبير المرحوم مأمون الشناوى"
فاكرة يا حبيبتى.. فاكرة
لما كنا صغيرين
وكنا بنحفر بصوابعنا
فى الرمل والطين
وكانت قلوبنا الطاهرة
تمللى مليانة بالفرح
وما تعرفش غير ريحة
الفل والياسمين
فاكرة لما كنا بنضحك
وصوتها يوصل للسما
كأى عاشقين
وجه اليوم اللى فيه
انضاف لعمرنا أيام وسنين
لكن قلوبنا فضلت هيه هيه
مين يقدر يغير م المكتوب
حتى وان كان داخل القلوب؟
فاكرة يا حبيبتى
لما كنا بنتكلم سوا
والفكرة تيجى ورا الفكرة
لحد ما ييجى علينا بكرة
وإحنا بنحلم زى الأطفال الصغيرين
فاكرة يا حبيبتى
لما كانوا بيتكلموا علينا
وفاكرين إن إحنا مش فاهمين
وإحنا كنا سابقين
الأيام والسنين
وقلوبنا فضلت هيه هيه
والناس همَّ همَّ
اللى كانوا بيضحكوا علينا
رشوا علينا الورد
لما أتحقق العهد